რეცეპტი#1
კაკლის შიდა ძგიდეები ჰაერზე შეახმეთ სამი დღის განმავლობაში. ერთი ჭიქა გამხმარი ძგიდეები ( 50 გრ.) ჩაყარეთ ბოთლში, ჩაასხით კუნელის ნაყენი, რომელიც სანახევროდ წყლით უნდა განაზავოთ, რადგან ნაყენი 90 გრადუსიან სპირტზე მზადდება. კუნელის ნაყენი შესანიშნავად შეავსებს კაკლის ძგიდეების სამკურნალო თვისებებს. წამალი შეინახეთ თბილ და ბნელ ადგილას 5-7 დღის განმავლობაში. დალიეთ 1 ჩაის კოვზით 3- ჯერ დღეში ჭამის წინ მკურნალობის სრული კურსი თვენახევარია.
პრეპარატი გამოიყენება ტვინის და გულსისხლძარღვთა ათეროსკლეროზის, გულის იშემიური დაავადების დროს და ინფარქტის შემდგომ პერიოდსი, ასევე სისხლძარღვთა სპაზმებისადმი მიდრეკილების შემთხვევაში.
რეცეპტი#2
დააქუცმაცეთ ასკილი, შეავსეთ ნახევარლიტრიანი ბოთლში 2/3-ზე და დაასხით არაყი. გააჩერეთ ბნელ ადგილას ორი კვირა, ყოველდღე კარგად შეანჯღრიეთ. შემდეგ გაწურეთ და მიიღეთ 20 წვეთი შაქარზე დაწვეთებული. ასეთივე ხერხით შეიძლება დამზადდეს ნაყენი ასკილის მთელი ნაყოფებიდან. იგი შემდეგნაირად მიიღება: დაიწყეთ 5 წვეთიდან ყოველდღიურად დოზა 5 წვეთით გაზარდეთ. მიიყვანეთ რაოდენობა 100 წვეთამდე,შემდეგ თანდათანობით შეამცირეთ დოზა და ჩამოდით ისევ 5 წვეთამდე.
რეცეპტი #3
300 გრ გარეცხილი და გასუფთავებული ნიორი მოათავსეთ ნახევარლიტრიან ბოთლში და დაასხით სპირტი. გააჩერეთ სამი კვირა, მიიღეთ ყოველდღიურად 20-20 წვეთი ½ ჭიქა რძესთან ერთად
რეცეპტი #4
ნახევარლიტრიანი ბოთლი აავსეთ კარგად დაქუცმაცებული ნივრით და სუფთა სპირტით (ნიორი ერთი მესამედი უნდა იყოს). ბოთლი დადგით თბილ ადგილას 2 კვირით (სასურველია დღისით მზეზე დაიდგას). Gგაწურვის შემდეგ ნაყენი მზადაა მისაღებად.
დოზირება – დაიწყეთ ერთი წვეთიდან თბილ წყალზე ვახშმის წინ, შემდეგ დოზა გაზარდეთ ყოველდღიურად თითოწვეთის დამატებით 25 წვეთამდე. შემდეგ დოზა ამგვარადვე შეამცირეთ დღეში 1 წვეთამდე. შეისვენეთ ორი კვირა. მკურნალობის კურსი შეგიძლიათ განიმეოროთ.