ეს დაავადება, ძირითადად, გავრცელებულია ახალგაზრდა ასაკის ქალებში. ხშირად ის ოჯახის რამდენიმე წევრს ერთდროულად აღენიშნება. თავის ტკივილი შეტევითი ხასიათისაა. მის აღმოცენებას იწვევს ფიზიკური გადაღლა, ძილის რეჟიმის დარღვევა, ჩახუთულ შენობაში ხანგრძლივად ყოფნა, შიმშილი, ნერვული განცდები და სხვა.
შედარებით იშვიათად, თავის ტკივილს თან ერთვის მხედველობის გაორება, გულისრევა... ავადმყოფს უჩნდება ჩაძინების სურვილი, რის შემდეგ თავის ტკივილი ქრება, თუმცა სიმძიმის შეგრძნება თავში და ტკივილის გაძლიერება სწრაფი მოძრაობების, დახველების ან დაცემინების დროს, შესაძლია, კვლავ აღენიშნებოდეს.
დახმარების აღმოსაჩენად, ავადმყოფი უნდა მოვათავსოთ ნახევრად ჩაბნელებულ, კარგად განიავებულ ოთახში. შევქმნათ მყუდროების, სიმშვიდის ატმოსფერო. თავზე დავადოთ ცივი საფენი ან ყინულიანი ბუშტი.
შედეგს იძლევა თავისა და კისრის მიდამოს მასაჟი, მდოგვის საფენები, ცხელი სათბური ბეჭთაშუა არეზე, ფეხის ცხელი აბაზანა. ტკივილგამაყუჩებელი უფრო ეფექტურია შეტევის დასაწყისში. სასარგებლოა დამამშვიდებელი პრეპარატები.
წყარო: presa.ge
შაკიკი – “ახალგაზრდა” დაავადება
⏱️ 1 წთ.
👁️ 2 618
100%