სამკურნალოდ მრავალძარღვას რამდენიმე სახეობა იხმარება, მაგრამ ყველაზე მნიშვნელოვანი დიდი მრავალძარღვაა. ის მრავალწლოვანი სარეველა ბალახია, ყვავილობს მაის-სექტემბერში, ნაყოფი მწიფდება შემოდგომაზე. მრავალძარღვა ყველგან გვხვდება: გზისპირებზე, დასახლებულ ადგილებში, ბოსტანსა და მინდვრებში, ტყის განაპირას და სხვა. გამოიყენება მხოლოდ ფოთლები.
მცენარის შეგროვება მთელი ზაფხულის განმავლობაში შეიძლება, ვიდრე დაჭკნობას დაიწყებდეს. უნდა გავაშროთ ჩრდილში ან საშრობში. მრავალძარღვას უძველესი დროიდან ხმარობენ ხალხურ მედიცინაში, შემდეგ კი ფართოდ შემოვიდა მეცნიერულ მედიცინაშიც.
იხმარება დაქვეითებული მჟავიანობით მიმდინარე ქრონიკული გასტრიტის, ქრონიკული კოლიტის სამკურნალოდ, როგორც მადის მომგვრელი და ამოსახველებელი საშუალება. 1 სუფრის კოვზ დანაწევრებულ ფოთლებს დავასხათ 1 ჩაის ჭიქა მდუღარე წყალი, ავადუღოთ რამდენიმე წუთი, გაგრილების შემდეგ გავწუროთ და ჭამის წინ, თითო სუფრის კოვზი, დღეში სამჯერ მივიღოთ.
წყარო:
მკურნალი მრავალძარღვა
⏱️ 1 წთ.
👁️ 6 164
100%