ლარინგიტი ხორხის გარსის ანთებას ეწოდება. მწვავე ლარინგიტი დაერთვის-ხოლმე გრიპს და სხვა რესპირაციულ დაავადებებს, ქუნთრუშას, ყივანახველას, წითელას.
მისი აღმოცენებისათვის ხელის შემწყობია ცივი და დაბინძურებული ჰაერის პირით ჩასუნთქვა, თამბაქოს წევა, ყელის დაძაბვა ყვირილით, ხმამაღალი და ხანგრძლივი ლაპარაკით. ავადმყოფს აქვს ჩახეხვის, სიმშრალის, ფხაჭნის შეგრძნება ყელში, დასაწყისში მშრალად ახველებს, შემდეგ კი შეიძლება წამოუვიდეს ნახველი. ხმა ჩახლეჩილია და შეიძლება მთლიანად დაიკარგოს.
უპირველესი სამკურნალო ღონისძიებაა მავნედ მოქმედი ფაქტორების გამოთიშვა. ავადმყოფი უნდა იწვეს თბილ ოთახში. ჰაერი არ უნდა იყოს მშრალი, საჭიროა ზედმეტი ლაპარაკისაგან, თამბაქოს წევისა და სპირტიანი სასმელისაგან თავის შეკევება.
ლარინგიტის ნიშნების გამოჩენისთანავე, ავადმყოფმა დაუყოვნებლივ უნდა მიმართოს ექიმს, რათა არ გამორჩეს რაიმე სერიოზული დაავადება
წყარო: presa.ge
ლარინგიტი – ხორხის გარსის ანთება
⏱️ 1 წთ.
👁️ 4 098
100%