საშობაო რულეტი



მასალა ბისკვიტისთვის:

6 კვერცხი
1 მწიკვი მარილი
100 გ. შაქარი
100 გ. ფქვილი

მასალა კრემისთვის:

200 გ. დარბილებული კარაქი
150 გ. შაქარი
100 გ. მწარე შოკოლადი
2 ჩ.კ. კაკაოს ფხვნილი
4 კვერცხის გული
1 კვერცხი

პერგამენტი საცხობი ფირფიტისთვის

გააცხელეთ ღუმელი. ფირფიტაზე დააფინეთ პერგამენტი.
კვერცხის ცილა და გული გააცალკევეთ. ცილა მარილთან ერთად ათქვიფეთ გამაგრებამდე, თანდათან დაუმატეთ 30 გრამი შაქარი. დარჩენილი შაქარი დაუმატეთ კვერცხის გულს და ურიეთ კრემისებური მასის მიღებამდე. შეურიეთ ათქვეფილი ცილა, დააცერით ფქვილი და მოურიეთ.

ბისკვიტის ცომი თანაბრად გაანაწილეთ საცხობ ფირფიტაზე. აცხვეთ 200 გრადუსზე 12 წუთით. ოდნავ დანამულ ქსოვილს ან ჩაის ტილოს მოაყარეთ შაქარი და ზედ გადმოაბრუნეთ გამომცხვარი ბისკვიტი, მოაცალეთ პერგამენტი. ბისკვიტი ქსოვილის დახმარებით გადაახვიეთ და გააგრილეთ.

ორთქლზე გააცხელეთ კარაქი და შაქარი. თან ურიეთ, სანამ შაქარი ბოლომდე არ გაიხსნება და თეთრ კრემისებურ მასას არ მიიღებთ. დატეხეთ შოკოლადი, ორთქლზე გაადნეთ და კაკაოსთან ერთად შეურიეთ კარაქიან მასას. სათითაოდ დაუმატეთ კვერცხის გულები და ერთი კვერცხი ცილიანად. მიღებული მასა დადგით გრილ ადგილას 20 წუთით.

გაშალეთ ბისკვიტი, წაუსვით შოკოლადის კრემის ნახევარი. იმ მხარეს, საიდანაც რულეტის დახვევა უნდა დაიწყოთ, კიდეზე კრემი არ წაუსვათ – დატოვეთ დაახლოებით 2 სანტიმეტრის სიგანის უკრემო ზოლი და გადაახვიეთ რულეტი.
რულეტს ზემოდან გადაუსვით შოკოლადის დარჩენილი კრემი, ჩანგლით დახაზეთ (იხილეთ სურათი) და მთელი ღამით გრილად დადგით.

კომენტარი:

ამ საშობაო რულეტს საფრანგეთში და ბელგიაში ტრადიციულად საშობაოდ აცხობდნენ და “საშობაო მორს” უწოდებდნენ. ფრანგები არ ღალატობენ ტრადიციას, მაგრამ თქვენ ეს შესანიშნავი რულეტი შეგიძლიათ წელიწადის ნებისმიერ დროს გამოაცხოთ.


წყარო: Kulinaria.ge
































ტექსტის სანახავად გაიარეთ რეგისტრაცია.