წონაში დაკლების სურვილის შემთხვევაში, ყოველთვის უნდა გვახსოვდეს რომ ყოველ დილას, უზმოზე თბილი წყალი დავლიოთ, რომელსაც 1/2 ნაჭერ ლიმონსა და 1/2 ჩაის კოვზ თაფლს დავუმატებთ. დიეტოლოგები ამას თითოეულ ადამიანს ურჩევენ.
დიეტოლოგები ამბობენ იმასაც, რომ თუ ადამიანი ლიმონის კანსაც მიირთმევს, შესაძლებელია მან შიმშილის გრძნობა 4 საათის განამვლობაშიც კი ჩაიხშოს. ნივთიერება, რომელიც ლიმონის ქერქშია, კუჭში მოხვედრისთანავე გადაიქცევა ბლანტ სითხედ და ეკვრის ნაწლავის კედლებს. სწორედ ეს იწვევს ორგანიზმის "მოტყუებასა" და შიმშილის გრძნობის შესუსტებას.
წარმოგიდგენთ ლიმონის დიეტის 7 წესს, რომლებიც ჩვენი ორგანიზმის სასარგებლო ელემენტებით გამოკვებას შეუწყობს ხელს.
1. ყოველ დილით დალიეთ თბილ წყალში გაზავებული ლიმონი წვენი. თუ არ გაქვთ წვენსაწური, შესაძლებელია წყალში რამდენიმე ნაჭერი ლიმონი ჩააგდოთ და ის დალიოთ.
2. მიირთვით ხილი და ბოსტნეული დღეში 4-5-ჯერ. აუცილებელი არაა, რომ ყოველ ჯერზე სალათის პორცია მიირთვათ. სრულიად დაკმარისი იქნება ერთი ვაშლი ან სტაფილოც კი. აღნიშნულ პროდუქტებს თითო ნაჭერი ლიმონი უნდა მიაყოლოთ იმისათვის, რომ ორგანიზმმა ზედმეტი შაქარი არ მიიღოს.
3. სუპებსა და სალათებს ლიმონის რამდენიმე ნაჭერი დაუმატეთ. ხორცსა და თევზს კი, მომზადების დროს ლიმონის წვენი აუცილებლად მოასხით.
4. შეეცადეთ ნაკლები შაქარი მიიღოთ. არ დაგავიწყდეთ, რომ მას სხვა პროდუქტებიც შეიცავს - თეთრი ბრინჯი, კარტოფილი, თეთრი პური და სიმინდიც კი.
5. არ ამოიღოთ თქვენი რაციონიდან ცხიმი. ყურადღება გაამახვილეთ ნიგოზსა და ცხიმიან თევზზე. მოერიდეთ წითელ ხორცს.
6. სამუდამოდ დაემშვიდობეთ ნახევარფაბრიკატებსა და კონსერვებს, იკვებეთ მხოლოდ ჯანსაღი პროდუქტით.
7. იკვებეთ რეგულარულად, 3-4 საათის შესვენებით. თუ სადილის შემდეგ თქვენ ფიქრობთ, რომ კიდევ გშიათ, დაელოდეთ 20 წუთი და შიმშილის გრძნობა აუცილებლად დაგტოვებთ.
აღსანიშნავია, რომ ლიმონი C ვიტამინითაა მდიდარი, ეს კი იმუნიტეტის ასამაღლებლად აუცილებელია. ლიმონი სახის კანის ჯანსაღი ფერის შესანარჩუნებლადაც შეუცვლელია
წყარო: news.ge
დაიწყეთ დღე ლიმონის წვენით
⏱️ 1 წთ.
👁️ 16 133
100%