ვირუსული B ჰეპატიტი ღვიძლის ინფექციური დაავადებაა. ის უმთავრესად ზრდასრულ ადამიანებს ემართებათ (ავადობის პიკი 20-დან 49 წლამდე მოდის).
B ჰეპატიტი მსოფლიოში კვლავ რჩება საზოგადოებრივი ჯანდაცვის სისტემის უმნიშვნელოვანეს პრობლემად. მას ახასიათებს როგორც მწვავე, ისე ქრონიკული მიმდინარეობა.
B ჰეპატიტის ვირუსი გადაეცემა:
ინფიცირებული ადამიანის სისხლთან კონტაქტით (გადაცემის ძირითადი გზა) – სისხლის გადასხმით, ნარკოტიკების ინექციური მოხმარების დროს საზიარო შპრიცის გამოყენებით, სტომატოლოგიური, ქირურგიული მანიპულაციების დროს;
დაუცველი სქესობრივი კავშირით;
ვერტიკალურად (დედიდან შვილზე).
აღსანიშნავია, რომ B ჰეპატიტი 100-ჯერ უფრო გადამდებია ვიდრე შიდსი. B ჰეპატიტი შემთხვევათა 85-90%-ში სრული განკურნებით მთავრდება და მხოლოდ 10-15%-ში იძენს ქრონიკულ მიმდინარეობას.ჰეპატიტით შეიძლება დაავადდეს ნებისმიერი ადამიანი, ნებისმიერ ასაკში.
B ჰეპატიტის რისკჯგუფში შედიან:
- ადამიანები, რომელთაც ჰყავთ ერთზე მეტი სქესობრივი პარტნიორი;
- ჰომოსექსუალები;
- ინფიცირებულთა სქესობრივი პარტნიორები;
- საინექციო ნარკოტიკული ნივთიერებების მომხმარებლები;
- ქრონიკული B ჰეპატიტით დაავადებულთა ოჯახის წევრები;
- ინფიცირებული დედების მიერ გაჩენილი ბავშვები;
- სამედიცინო დაწესებულებების თანამშრომლები;
- ჰემოდიალიზზე მყოფი ავადმყოფები; ასევე - ავადმყოფები, რომელთაც ხშირად სჭირდებათ სისხლის გადასხმა.
B ჰეპატიტისთვის დამახასიათებელია კლინიკური ნიშნებია: სიყვითლე, სახსრების ტკივილი, საერთო სისუსტე, უმადობა, სხეულის ტემპერატ. მომატება, ფაღარათი, შარდის გამუქება, გულისრევა, ღებინება, განავლის გაუფერულება, მუცლის ტკივილი.
აღნიშნული სიმპტომები შეიძლება სხვადასხვა ინტენსივობით გამოვლინდეს ან შეიძლება დაავადება საერთოდ უსიმპტომოდ, ყოველგვარი კლინიკური ნიშნების გარეშე მიმდინარეობდეს.
თუ ადამიანი გამოჯანმრთელდა, რასაც დაადასტურებს სისხლის შრატში HBsAg-ის არარსებობა და მისი ანტისხეულების (ანტი- HBs-ის) არსებობა, ხელმეორედ ინფიცირების შანსი პრაქტიკულად არ არსებობს.
არსებობს B ჰეპატიტის საწინააღმდეგო ვაქცინა, რომელიც სწორად გამოყენების შემთხვევაში B ჰეპატიტის პროფილაქტიკის სრულ გარანტიას იძლევა.
B ჰეპატიტის მკურნალობა კომპლექსურია. მედიკამენტებთან ერთად საჭიროებს დიეტის დაცვას.
წყარო: med-doctor.net
ვირუსული ჰეპატიტი B - საჭმლის მომნელებელი სისტემის დაავადებები
⏱️ 1 წთ.
👁️ 3 261
100%