ვენსან კასელი - ყველაზე დამაჯერებელი!
ეს ხორცშესხმული ეშმაკი ნებისმიერ ადამიანს თავგზას აუბნევს. რა თქმა უნდა თქვენ და მე შეიძლება ვერ დაგვიყოლიოს, მაგრამ მონიკა ბელუჩი, ჯან-ფრანსუა რიშე და კიდევ არაერთი რეჯისორი და მსახიობი თავის ჭკუაზე "ატარა". ბოლო პერიოდში მას მოსწონს უარყოფითი გმირის როლების შესრულება და სხვათაშორის ეს წარმატებით გამოსდის. როგორც ცნობილია სამომავლოდ ის ცნობილი ფრანგი განგსტერის ჯაკ მესრინის როლის შესრულებას გეგმავს.
ზინედინ ზიდანი (ზიზუ) - ყველაზე გამორჩეული "თავი"
ზოგიერთს მიაჩნია, რომ ზიზუმ ეშმაკს მიჰყიდა სული იმისათვის, რომ მსოფლიოში ერთ-ერთი საუკეთესო ფეხბურთელი გამხდარიყო – 1998, 2000 და 2001 წლებში. ზოგი ფიქრობს, რომ კონტრაქტში, რომელსაც მან სისხლით მოაწერა ხელი, საუბარი იყო მის "თავზე", რომლის დახმარებითაც მან 1998 და 2006 წლებში მსოფლიო ჩემპიონატის დროს დამაჯერებელი გამარჯვება მოუტანა თავის გუნდს! ასეა თუ ისე, უკანასკნელი ცნობების თანახმად ის ფეხბურთში დაბრუნებას გეგმავს, ასე, რომ ვუსურვოთ მას წარმატება.
ჯონატან რის-მეიერსი - ყველაზე პერსპექტიული
ვუდი ალენის ფილმში "მატჩ-პოინტ"-ში, მთავარი როლის შესრულების შემდეგ, რის-მეიერსი საბოლოოდ გაერთიანდა "ცუდი" და "დემონური" მამაკაცების სიაში. ამჟამად 30 წლის მსახიობი სერიალ "ტუდორებში" ასრულებს ჰენრი VIII-ის (6 ცოლი, აქედნ 2 სიკვდილით დასაჯა) როლს. სხვათაშორის თავად ჯონატანი ჯერ-ჯერობით მარტოხელაა.
შონ პენი - ყველაზე ჭირვეული
ის არაჩვეულებრივი ქველმოქმედია და ცდილობს ყველას დაეხმაროს. თუმცა, ეს ყველაფერი მას სულაც არ უშლის ხელს უარყოფითი გმირის როლები შეასრულოს. ნამდვილად რაღაც არის მის გარეგონობაში!
ჯეკ ნიკოლსონი - ყველაზე შფოთიანი
მან არა ერთი უარყოფითი პერსონაჟის როლი შეასრულა, განსაკუთრებით აღსანიშნავია ფილმი "ნათება", რომელიც ყველა დროის ერთ-ერთ საშინელ ფილმად აღიარეს. თუმცა, თუ ჯეკ ნიკოლსონის საშინელი მხარე გსურთ იხილოთ, არა ფილმს არამედ ლოს-ანჯელესში კალათბურთის ნაკრების ლეიკერების (Lakers) თამაშს უნდა დასწროთ, სადაც ნიკოლსონი ხშირად სათამაშო მოედანზე გამორბის და მოთამაშეებს ხელს უშლის. ეს ნამდვილი სანახაობაა!
დენი ტრეხო - ყველაზე უსახელო
თქვენ არა ერთხელ ნახეთ ფილმი მისი შესრულებით, მაგრამ რატომღაც სახელს ვერ იმახსოვრებთ. თქვენ არა ხართ ერთად ერთი ვისაც დენი ტრეხოს სახელი არ ახსოვს. ის ყოველთვის მეორე ხარისხოვან როლებს ასრულებდა, თანაც უარყოფითს. თუმცა, წინა წლის სექტემბერში მან მონაწილეობა მიიღო ფილმში "მაჩეტე" სადაც მთავარი როლი შეასრულა.
ენტონი ჰოპკინსი - ყველაზე კეთილშობილი!
სერ ენტონი ჰოპკინსი დაიბადა გარეუბანში სახელად პორტ–ტალბოტი. აღსანიშნავია, რომ ტალბოტი ეწოდებოდა 1941 წელს გადაღებული ფილმის პერსონაჟს ადამიან-მგელს, რაც ამავე დროს ფილმის სათაურიც იყო. უცნაურია ის ფაქტი, რომ ამჯამად სერ ჰოპკინსი ემზადება ამ ფილმის "რემეიქში" მიიღოს მონაწილეობა და ადამიანი-მგელის ანუ ტალბოტის მამის როლს შეასრულებს.
მერლინ მენსონი - ყველაზე გაორებული
მართალია მენსონი ხშირად უშვებს ალბომებს ისეთი სახელწოდებით როგორიცაა – "სუპერვარსკვლავი–ანტიქრისტე". თუმცა, სინამდვილეში ის ძალიან თბილი და მოსიყვარულე ადამიანი ყოფილა. თქვენ წარმოიდგინეთ მას დედაც კი ყავს და ძალიან უყვარს!
გასპარ ულიელ - ყველაზე სისხლიანი
მან გენიალურად გააგრძელა ის საქმე, რაც ენტონი ჰოპკინსმა 1991 წელს დაიწყო "კრავთა დუმილში" მონაწილეობის მიღებით. ის ახალგაზრდა ჰანიბალს განასახიერებს, რომელსაც მეორე მსოფლიო ომის დროს არა მხოლოდ მშობლები დაეღუპა, არამედ პატარა დაიკოც, რომელიც ნაცისტმა ჯარისკაცებმა შიმშილის ზღვარზე მოკლეს და შეჭამეს. ამის შემდეგ წამოზრდილი ჰანიბალი მისი დის მკვლელების ძებნას და დახოცვას იწყებს. კრიტიკოსების აზრით ფილმში "ჰანიბალი: აღორძინება" გასპარდ ულიელმა ზუსტად განასახიერა ჰანიბალ ლექტორის ახალგაზრდული წლები. ამ ფილმში მონაწილეობის მიღების შემდეგ გასპარდ ულიელი მისდაუნებურად "ცუდი ბიჭების" სიაში გაერთიანდა.
კრისტოფერ უოკენი - ყველაზე ბუნებრივი
დადებითი პერონაჟების განსახიერება ასეთი გარეგნობის მქონე კაცისათვის ჯოჯოხეთური შრომაა. სწორედ ამიტომ კრისტოფერ უოკენს უფრო ხშირად უარყოფით როლებს სთავაზობენ. მის ფილმებს შორის ყველაზე დასამახსოვრებელი იყო "მთვლემარე სიცარიელე" (სლეეპყ ჰოლლოწ), სადაც ის უთავო მხედრის როლს ასრულებდა.
გარი ოლდმენი - ყველაზე კბილბასრი!
ის გრაფ დრაკულაა, რომელიც ღამის წყვდიადში წარმოუდგენელი სისწრაფით გადაადგილდება. დიახ! ფილმი დრაკულა გარი ოლდმენის მონაწილეობით ყველას გვაქვს ნანახი და გვახსოვს. მიუხედავად იმისა, რომ ის უარყოფით პერსონაჟებს კარგად განასახიერებს, ბოლო დროს გარის დადებით პეროსნაჟის როლებს სთავაზობენ. ასეთი როლები მან შეასრულა ისეთ ფილმებში როგორიც არის გარი პოტერი და ბეტმენი.
ნიკოლაი ვალუევი - ყველაზე მსხვილი
სიმაღლე – 2 მეტრი და 13 სანტიმეტრი, წონა დაახლოებით 140 კგ. უცნაურია ის ფაქტი, რომ ნიკოლაის მშობლები ნორმალური გაბარიტების ხალხია. საკითხი ვალუევის არა ამქვეყნიური წარმომავლობის შესახებ ჯერ კიდევ აქტუალურია!
ხავიერ ბარდემი - ყველაზე დატანჯული
ერთხელ მან თქვა: "მე არ მჯერა განგების, მაგრამ მჯერა ალ პაჩინოსი". მას მოსწონს და საკმაოდ წარმატებულად გამოსდის "დატანჯული დემონის" როლის შესრულება. მის უკანასკნელ ფილმში სახელწოდებით "სიყვარული ქოლერის დროს" (გარსია მარკეზის წიგნის მიხედვით) ის განასახიერებს შეყვარებულ მამაკაცს, რომელიც 53 წლის, 7 თვის და 11 დღის მანძილზე ცდილობს მისი რჩეული ქალის გულის დაპყრობას.
ავტორი: ანა მწითურიძე
წყარო: Presa.ge
