"სილამაზე იპყრობს შენს ყურადღებას, შინაგანი სამყარო კი შენს გულს."
სილამაზე -ეს სუბიექტური ცნებაა, ყველა თავისებურად აღიქვამს მას, თუმცა მსოფლიოს ისტორიაში არსებობენ ქალბატონები, რომელთა მშვენიერებაც ყველამ აღიარა.
სამყაროს შექმნიდან დღემდე, ხალხის გემოვნება ნელ-ნელა იცვლებოდა და იხვეწებოდა. ყოველ ეპოქაში სხვადასხვანაირი ქალები მოსწონდათ. ამიტომაა, რომ გასული საუკუნის ლამაზმანები დღევანდელი სილამაზის სტანდარტებს არ შეესაბამებიან, მაგრამ სილამაზე არ არის დაწერილი კანონი, ნებისმიერი ადამიანი თავისებურად მშვენიერი და ლამაზია.
მოდით, ვნახოთ, თუ როგორი უნდა ყოფილიყო ლამაზი ქალი ჩვენი წინაპრების აზრით:
ძველი ეგვიპტელი ქალები სილამაზის აუცილებელ კომპონენტად მიიჩნევდნენ პაპირუსის ღეროსავით მაღალ ტანს, ხოლო ძველი ბერძნების აზრით ლამაზი ქალი ცხენის მსგავსი უნდა ყოფილიყო. ისინი უპირატესობას მაღალ ქალბატონებს ანიჭებდნენ, მისი სახე უნდა ყოფილიყო წყნარი, ცხვირი კი-პატარა, თეძოს ხაზი-გამოყვანილი.
გოთიკური პერიოდის საფრანგეთში კი მაღალი წრის ქალიშვილები ატარებდნენ ვიწრო კორსეტებს და შუბლზე თმას იპარსავდნენ, რადგან მაღალი შუბლი გამოსჩენოდათ, სახეზე ისვამდნენ პუდრს ( ფერმკრთალი სახე მაშინ სილამაზის ნიშანი იყო).
აი რენესანსის პერიოდში, კი უპირატესობა სრული ტანის ქალბატონებს ენიჭებოდათ, რადგან მაშინ "ხორციანი" ქალები ჯანმრთელებად ითვლებოდნენ და მათი მდგომარეობა ბევრისათვის საოცნებო იყო.
გასულ საუკუნეში სილამაზის ეტალონებად ითვლებოდნენ ისეთი ქალბატონები, როგორებიცაა: სოფი ლორენი, მერლინ მონრო, ოდრი ჰეპბერნი, კლაუდია კარდინალე, ელიზაბეტ ტეილორი და სხვა. მათ სულაც არ ჰქონდათ იდეალური პარამეტრები, მაგრამ ყველა ჩვენთაგანში დღემდე იწვევენ აღფრთოვანებას.
თუმცა მეოცე საუკუნის სამოციან წლებში წამოვიდა გამხდარი გოგონების ბუმი. ეს ის პერიოდია, როდესაც ტელეეკრანებზე გამოჩნდა ერთი საოცრად გამხდარი და ლამაზი გოგონა, რომელსაც თვიგი ერქვა. ამ დღიდან მოყოლებული, გოგონები ცდილობდნენ, რომ ყოფილიყვნენ თვიგისავით გამხდრები, იცავდნენ მრავალგვარ დიეტებს და სწორედ აქედან მოდის იმისი ტენდენცია, რომ მოდელს და უბრალოდ ლამაზ ქალს უნდა ჰქონდეს სტანდარტულად გამხდარი სხეული.
მიუხედავად ამ ყველაფრისა, სილამაზე ყველა ადამიანშია, არ აქვს მნიშვნელობა მის წონასა და სიმაღლეს.
თითოეულ ქალს აქვს ინდივიდუალური გარეგნობა და მას დაფასება, მოვლა სჭირდება. დღეს კი საკმაოდ ადვილად შეიძლება შეცვალო შენს გარეგნობაში ის, რაც არ მოგწონს და გახდე უფრო ლამაზი.
მთავარი გონებაა: შენს თავს უნდა შთააგონო, რომ მშვენიერი ხარ!!!