მშვილდოსანი – მამაკაცი
მასთან პირველი შეხვედრისას შეგექმნებათ შთაბეჭდილება, რომ თქვენ ერთადერთი და განუმეორებელი ხართ რომელსაც მშვილდოსანი ეძებდა, მაგრამ თუ ცოტა ხანს დააკვირდებით, ნახავთ, რომ ის ყველა ქალს ათვალიერებს ასეთივე მზერით. ეს მისი ხასიათია, ის მუდამ იდეალის ძიებაშია, და ამიტომ ერთი ქალიდან მეორესთან გადაიფრენს ფუტკარივით. მაგრამ მორიგი “იმედგაცრუების” შემდეგ ისევ მზად არის ძიებისათვის. იმის თქმა რომ მონოგამური ცხოვრება მშვილდოსნისთვის მისაღებია, იგივეა, ვთქვათ, რომ ბინლადენი და ბუში მეგობრები არიან. ბუნებით ის მონადირეა, მას მოსწონს დევნა და არა შედეგი. თუმცა ვერ ვიტყვით, რომ მას არ მოსწონს სექსი – პირიქით. დასაწყისში შეიძლება შეგექმნათ კიდევაც შთაბეჭდილება, რომ ის ძალიან მორცხვი და მორიდებულია, მაგრამ ეს მანამდე სანამ საძინებელში აღმოჩნდებით. მაშინ იქნება – ვნება, სინაზე და თავდავიწყება ერთდროულად. თუმცა პირველი ღამის მერე მშვილდოსანმა, თავისი მუდმივი ძიების გამო, შეიძლება დაკარგოს ქალისადმი ინტერესი. ამ დროს ის გულგრილი და ხშირ შემთხვევაში უხეში ხდება.
მშვილდოსანი – ქალი
ასეთი ამორძალი მუდამ რომ გყავდეთ გვერდით, გჭირდებათ მუდმივი სულის აღმაფრენა და სხეულის მიზანმიმართული მოძრაობა. მასთან რომანის ყველაზე საუკეთესო ვარიანტია სადმე ფეშენებელურ კურორტზე სამეცნიერო სიმპოზიუმის მოხსენებებს შორის. როგორც მშვილდოსან – მამაკაცს მას აღაგზნებს ნადირობის პროცესი. როდესაც მოინადირებს სასურველ მამაკაცს მყისვე უჩნდება სურვილი გადაერთოს რამე ძნელადმისაღწევზე… ის მათთვისაა განკუთვნილი, ვისაც უყვარს ჭკვიანი, ლამაზი და მხიარული ქალები! სექსი უყვარს და თითქმის ცხოვრების აზრად მიიჩნევს მას, ასე რომ მამაკაცს მოუწევს ენერგიის დახარჯვა რომ ასიამოვნოს მას.