გრიფით საიდუმლოს გარეშე



გსურთ საყვარელ მამაკაცთან ერთად თქვენი სექსუალური ცხოვრება განიხილოთ, მაგრამ არ იცით როგორ წამოიწყოთ ეს დელიკატური საუბარი?

დიალოგი სექსზე ორ ადამინს შორის უმეტეს შემთხვევაში ბანალურად ჟღერს: "კარგი იყო"? - "დიახ, მშვენიერი"... რა თქმა უნდა, ვარიაციები თემაზე შესაძლებელია, მაგრამ რაც შეეხება მნიშვნელოვან დეტალებს, თქვენ რატომღაც "უკან იხევთ" და სირცხვილის გრძნობა გეუფლებათ.

ზოგჯერ ისეც ხდება, რომ ამ თემაზე სასაუბროდ დიდხანს ემზადებით, ეძებთ საჭირო სიტყვებს, მაგრამ თქვენს საყვარელ მამაკაცს თქვენი მოსმენა არ სურს და იმედგაცრუებული რჩებით, ნებდებით და ასკვნით, რომ მსგავსი შინაარსის საუბრები თქვენთვის მიუწვდომელია.

ჟესტების ენა

სინამდვილეში, ინტიმური ცხოვრების შესახებ საუბარი ძალიან მნიშვნელოვანია ნებისმიერი წყვილისთვის. რატომ? ერთ-ერთი მიზეზი -ლოგინში სრული ჰარმონიის მიღწევაა. რა თქმა უნდა, არც თქვენ და არც თქვენს პარტნიორს შუბლზე არ გაწერიათ, თუ რას ისურვებდით სექსის დროს, მაგრამ მაინც არ გირჩევთ "მონოლოგის" დაწყებას სასიყვარულო პრელუდიის დროს.

ეს ჩვენ, ქალებს შეგვიძლია, ყურადღების ერთდროულად რამდენიმე საკითხზე კონცენტრირება: ძლიერი სქესის წარმომადგენლები კი ან საუბარზე თანხმდებიან, ან კონკრეტული "საქმით" არიან დაკვაებულნი. ამდენად "პროცესში" ნუ ეცდებით მისი ყურადღების სხვა რამეზე გადატანას.

სრულიად საკმარისია, აღტაცების გამომხატველი შორისდებულები და სხვადასხვა ჟესტები: ამით თქვენ უკარნახებთ პარტნიორს, რა და როგორ "განაგრძოს".

იყავით მეტად გახსნილი. ლოგინში მოძრაობები სიტყვებზე უკეთ ამართლებს. გახსოვდეთ, ძლიერი ქალი, რომელმაც ზუსტად იცის, რა სურს, მეტად აღაგზნებს, ვიდრე მოკრძალებული. მეტი ყურადღება გმართებთ მამაკაცის რეაქციების მიმართ.

ისაუბრეთ მხოლოდ ფაქტების მიხედვით

არასდროს მიუთითოთ პარტნიორს მის შეცდომებზე, ამით მხოლოდ გულს ატკენთ და საკუთარი ძალების რწმენას დაუქვეითებთ. გაამახვილეთ ყურადღება მხოლოდ იმაზე, რაც უდავოდ კარგად "გამოუვიდა" და რაც ყველაზე მეტად გესიამოვნათ.

ყველა მამაკაცს სურს, რომ ლოგინში "თვით სრულყოფილება" იყოს. და თუ კომპლიმენტებითაც გაანებივრებთ, ის გაორკეცებული ძალებით შეეცდება "გაგაბედნიეროთ" და აღგაფრთოვნოთ.

საუკეთესო დრო მსგავსი შინაარსის საუბრესთვის სექსის შემდეგაა. განცდილი სიამოვნება საუბრის გაგრძელებისთვის არაჩვეულებრივ ნიადაგს მოამზადებს.

თუმცა სექსის "ხარისხი" სულაც არ არის დამოკიდებული ინტიმურ საუბრებზე. უფრო მნიშვნელოვანია ის, რომ მსგავსი ტიპის საუბრები ურთიერთობისა და გულწრფელობის განუმეორებელ ატმოსფეროს ქმნის.

თუ პარტნიორთან არასდროს გისაუბრიათ სექსზე, გეშინიათ მისი რეაქციის და მას კონსერვატორად თვლით, შორიდან მოუარეთ. მოუყევით მას "წიგნში წაკითხული" ეროტიული სცენის, ან მეგობრის მიერ "მოთხრობილი" არაჩვეულებრივი", მგზნებარე სასიყვარულო ურთიერთობის შესახებ... დაე, გამოთქვას საკუთარი მოსაზრება: სხვებზე საუბარი ხომ გცილებით ადვილია, ვიდრე საკუთარ თავზე.

ნაბიჯ-ნაბიჯ...

დროდადრო განაახლეთ მსგავსი საუბრები და როდესაც დაინახავთ, რომ ასეთ დელიკატურ საკითხებზე მსჯელობა მამაკაცისთვის უჩვეულო აღარ არის, თანდათან გადაიყვანეთ ეს საუბარი თქვენს ურთიერთობაზე. ისაუბრეთ მხოლოდ საკუთარ გრძნობებსა და ემოციებზე და გაუზიარეთ მას თქვენი დაფარული სურვილები.

და ბოლოს: გახსოვდეთ, რომ სექსი არასოდეს არის "სიბინძურე" და "გარყვნილება", სანამ მას ორი ადამიანისთვის სიხარული და სიამოვნება მოაქვს!
































ტექსტის სანახავად გაიარეთ რეგისტრაცია.