კოცნა ადამიანური ემოციების ერთ-ერთ სახეობას წარმოადგენს. მედიკოსების მიერ დამტკიცებულია, რომ კოცნა ადმიანის მიმართ დადებით ემოციას გამოხატავს, ყველაზე ხშირად კი სიყვარულს. კოცნის რამდენიმე სახე არსებობს, თუმცა ყველაზე გავრცელებული, გულწრფელი და სასიამოვნო, სასიყვარულო კოცნაა. სასიყვარულო კოცნა სიყვარულის და ვნების გრძნობას გამოხატავს შეყვარებულებს შორის. სასიყვარულო კოცნის ორი სახე არსებობს, ვნებიანი და ნაზი კოცნა. ნაზ კოცნას ტუჩებში ან სხვა სხეულის ნაწილზე, ახასიათებს მოკლე და წამიერი შეხება. ვნებიანი კოცნა კი პირიქით, გრძელდება უფრო მეტი დროის პერიოდით.
გავრცელებული აზრია და ფაქტებითაც დადასტურებული, რომ სასიყვარულო კოცნის დროს წყვილი თვალებს ხუჭავს. საზოგადოების უმეტეს ნაწილს მიაჩნია, რომ წყვილი კოცნის დროს თვალებს იმიტომ ხუჭავს, რომ ისინი თავიანთ გრძნობებზე არიან კონცენტრირებულნი. მეცნიერები კი საპირისპიროს ამტკიცებენ.
მათი თქმით, კოცნის დროს ადამიანი დიდ ემოციურ დატვირთვას განიცდის და თვალებს სწორედ მის შესამცირებლად ხუჭავს.
არსებობს ამ ფაქტის კიდევ ერთი მეცნიერული ახსნა, რომელიც პარტნიორის ვიზუალურ აღქმაში მდგომარეობს. ახლო მანძილზე საყვარელი ადამიანის სახე ბუნდოვანი ხდება, მაგრამ მისი გარკვეული ნაწილები პირიქით, ზედმეტად მკვეთრი. ხანდახან ასეთი ვიზუალური აღქმა არცთუ ისე სასიამოვნოა, ამიტომ დახუჭულ თვალებს „ფარდის“ ეფექტი აქვს.
ამის მიუხედავად, საზოგადოების დიდ ნაწილს მიაჩნია, რომ კოცნა სასარგებლოცაა და სასიამოვნოც, ხოლო დახუჭული თვალები ამ შეგრძნებას აორმაგებს.
×