ეროტიული სიზმრები



ჰონგკონგელმა მეცნიერებმა დაამტკიცეს, რომ თურმე ადამიანის ძილის პოზა მისი სიზმრის შინაარსზე მოქმედებს.

ჰონგკონგის უნივერსიტეტის მეცნიერებმა 670 სტუდენტი გამოჰკითხეს. მათგან ორი მესამედი ქალი იყო. სპეციალისტებმა რესპონდენტებს სთხოვეს, აღეწერათ საკუთარი სიზმრები და დაესახელებინათ პოზა, რომელშიც უყვართ ძილი.

აღმოჩნდა, რომ ყველაზე ხშირად ეროტიკულ სიზმრებს ისინი ხედავენ, ვისაც მუცელზე ძილი უყვარს. ამის ახსნა მარტივია - როცა ადამიანი მუცელზე წევს, მას შენელებული სუნთქვა აქვს. სწორედ ეს იწვევს ტვინში სექსუალურ ფანტაზიებს.

"როცა ადამიანი პირით ქვემოთ წევს, ის ვერ იღებს საკმარისი რაოდენობის ჰაერს, ანუ თავისუფლად ვერ სუნთქავს. ასევე ხდება სექსუალური ურთიერთობის დროსაც - სუნთქვა თავისუფალი არ არის. ამიტომაც ხშირად ორგანიზმი რეაგირებს სიზმარზე და როცა მუცელზე გძინავთ, ეროტიკულ ზმანებას თქვენდაუნებურად "იძახებთ", - ამბობს კვლევის ხელმძღვანელი, პროფესორი კელვინ კაი-ჩინგ იუ (Calvin Kai-Chang yu).

სექსუალური შინაარსის სიზმრების გარდა, მუცელზე წოლის მოყვარულებს ხშირად ესიზმრებათ კოშმარები, რომლებშიც მათ საფრთხე ემუქრებათ და მისგან თავის დაღწევა არ შეუძლიათ. კვლევის განმავლობაში ასევე გაირკვა, რომ კოშმარების დასიზმრების კიდევ ერთი მიზეზი შეიძლება გახდეს ძილის წინ ყველის მიღება.

სტატისტიკის მიხედვით, ადამიანების სიზმრების 10% სექსუალური შინაარსისაა. ქალები ეროტიკულ სიზმრებს თვეში დაახლოებით 5-ჯერ ხედავენ.
































ტექსტის სანახავად გაიარეთ რეგისტრაცია.