სოფო ნიჟარაძის ირგვლივ ჭორები არ წყდება. ამ ჭორების დიდი ნაწილი ხშირად მართლდება კიდეც. კულუარებში უკვე აქტიურად საუბრობენ, ნიჟარაძე სტივ
უანდერთან ერთად აპირებს დუეტის ჩაწერას, რეკომენდაცია კი არც მეტი, არც ნაკლები, მას საქართველოს პრეზიდენტმა გაუწიაო.
როგორც შევიტყვეთ, სტივ უანდერი სოფოსთან მუშაობით მას შემდეგ დაინტერესდა, რაც გაიგო, რომ ახალ წელს ქართველმა მომღერალმა ლეგენდარულ ხოსე კარერასთან ერთად იმღერა. ამბობენ, უანდერთან მოლაპარაკებები დასრულებულია და სექტემბერში სოფო და სტივი ერთმანეთს ხმის ჩამწერ სტუდიაში შეხვდებიანო. "ყველა სიახლე" სოფო ნიჟარაძეს დაუკავშირდა:
- სოფო, გავრცელდა ხმა, რომ თქვენ სტივ უანდერთან აპირებთ დუეტის ჩაწერას.
- ღმერთმა ქნას, ასე მოხდეს.
- მოლაპარაკება მიმდინარეობს?
- მოლაპარაკება მიმდინარეობდა უანდერის საქართველოში ჩამოსვლაზე. მგონი, ბათუმში უნდა ემღერა, მაგრამ რადგან ბევრი კონცერტი ჰქონდა დაგეგმილი, საქართველოში ჩამოსვლა ვერ მოახერხა.
- თქვენ არ ადასტურებთ ინფორმაციას მასთან დუეტის ჩაწერის შესახებ?
- არა, ჯერჯერობით ვერაფერს გეტყვით.
მარიამ ჩიქოვანი
ყოველკვირეული გაზეთი ”ყველა სიახლე”
(გამოდის ხუთშაბათობით)
×