ქეთა თოფურიას გათხოვებასთან დაკავშირებით A’Studio-ს პრესმდივანი განცხადებას აკეთებს



სიახლემ იმის შესახებ, რომ პოპულარული ჯგუფის, A’Studio-ს სოლისტი ქეთა თოფურია ჩუმად გათხოვდა, ფაქტობრივად, ააფეთქა ინტერნეტსივრცე.
იხილეთ ფოტოგალერეა

მომღერლის რჩეული ბიზნესმენი ლევან გეიხმანია, რომელსაც ქეთა ბოლო სამი წელია ხვდება.

ჯერ კიდევ ნოემბრის ბოლოს ქეთა თოფურიამ ერთ-ერთ რუსულ გამოცემას ინტერვიუში განუცხადა, რომ მისმა ბოიფრენდმა, ლევანმა ხელი სთხოვა და ის სიხარულით დასთანხმდა.

წყვილმა ერთმანეთი ბანალურად – საერთო მეგობრების წრეში გაიცნო. ლევანმა ურთიერთობის პირველივე წუთებში მოხიბლა მომღერალი თავისი დახვეწილი იუმორის გრძნობით, მაგრამ მაშინ არც ქეთა და არც ლევანი თავისუფლები არ იყვნენ. ამიტომაც უცებ გაჩენილ ურთიერთსიმპათიას გასაქანი არ მისცეს.

ერთი წლის შემდეგ ისინი შემთხვევით კვლავ შეხვდნენ ერთმანეთს, ახლა უკვე ორივე თავისუფალი იყო. ქეთამ და ლევანმა ჩათვალეს, რომ ეს იღბალი იყო. მომღერალი აღიარებს, რომ ბიზნესმენმა ის უზადო ყურადღებით მოხიბლა: თაიგულები, ძვირფასი საჩუქრები და სიურპრიზები.

26 წლის ქეთას საერთოდ არ აწუხებს ის, რომ ლევანი მასზე 11 წლით უფროსია (ლევან გეიხმანი 37 წლის არის). მომღერალმა აღიარა, რომ ყოველთვის მასზე გაცილებით უფროსი მამაკაცები მოსწონდა.

"ვფიქრობ, რომ ასეც უნდა იყოს. თანატოლებთან ვერასოდეს ვურთიერთობდი, მეგობრობაც მხოლოდ ჩემზე გაცილებით უფროს მამაკაცებთან გამომდიოდა. ამის კარგი მაგალითი – ჩვენი ჯგუფია", - ამბობს ქეთა ჟურნალ StarHit-ისთვის მიცემულ ინტერვიუში.

ინტერნეტქსელში გავრცელებული ყველა ჭორი იმის შესახებ, რომ ქეთა გათხოვდა, ტყუილი აღმოჩნდა. მომღერალი მართლაც დანიშნულია, თუმცა ქორწილი ჯერ არ ყოფილა.

"ქეთი არ გათხოვილა, ეს ყველაფერი მხოლოდ ჭორია. მას შესანიშნავი ურთიერთობა აქვს ლევანთან, ისინი ერთად თავს ბედნიერად გრძნობენ, მაგრამ ქორწინება არ შემდგარა", - განუცხადა ჟურნალისტებს ჯგუფ A’Studio-ს პრესმდივანმა ელენა ფედულოვამ.
































ტექსტის სანახავად გაიარეთ რეგისტრაცია.