თუ ახალი წლის ღამეს ყინვა იქნება, მოსავლიანი წელი გველის – მითი, რეალობა თუ უბრალოდ დამთხვევა?



ახალი წელი ერთ-ერთი ყველაზე მხიარული, ხალისიანი და მასშტაბური დღესასწაულია. მის მოახლოებასთან ერთად სამზადისიც მატულობს, ჩვენ კი უნდა შევეცადოთ, რაც შეიძლება განსაკუთრებულად შევხვდეთ ამ დღეს.

ალბათ, ყველა თქვენგანს სმენია ან გაუკეთებია ისეთი რაღაც, როგორიც სურვილის ფურცელზე დაწერა, მისი დაწვა, ფერფლის შამპანურში ჩაყრა და დალევაა, ან უამრავი სხვა რამ. მას ვიღაც, უბრალოდ, ცრურწმენად თვლის, ვიღაცას კი ნამდვილად სჯერა და მეტიც, სურვილიც კი ასრულებია.

გარდა ამისა, არსებობს მინიშნებებიც, მაგალითად, იმის მიხედვით, თუ როგორი ამინდია ახალი წლის ღამეს, შესაძლებელია განსაზღვრო, ზოგადად როგორი წელი იქნება... არც ეს ახალი წელი არის გამონაკლისი და ვნახოთ, როგორ უნდა მოვიქცეთ 31 დეკემბრის ღამეს.

ვიღაც სტატიას უბრალოდ წაიკითხავს და იხალისებს, ვიღაც კი აუცილებლად გააკეთებს და დააკვირდება, ნამდვილად სრულდება თუ არა სურვილები ახალი წლის ღამეს, არის თუ არა ის მართლაც ჯადოსნური და რამდენად ამართლებს მინიშნებები. მაშ ასე:

*ახალი წლის ღამეს ახალი სამოსით უნდა შეხვდეთ, რათა მთელი წელი სიახლე იყოს თქვენს ცხოვრებაში.

*არ გასცეთ ფული, ეს უბარაქობას მოგიტანთ. მის ჩუქებას მოერიდეთ, თუნდაც საქმე ოჯახის წევრს ეხებოდეს. უმჯობესია, სხვა საჩუქარი გაუკეთოთ მას.

*იყავით ძალიან მხიარულები, მოერიდეთ ჩხუბს, კამათსაც კი. შეეცადეთ, სითბო და სიყვარული გასცეთ. მაშინ მთელი წელი სწორედ ასეთი იქნება.

*საჩუქარი გაუკეთეთ რაც შეიძლება ბევრ ადამიანს, თუნდაც ეს ძალიან უბრალო ნივთი იყოს.

*თუ გსურთ მეორე ნახევრის პოვნა, ახალი წლის ღამეს სახლი გულებითა და სხვა სასიყვარულო სუვენირებით მორთეთ.

*ნაძვის ხე ფულით, მონეტებით მორთეთ, თუ გსურთ, რომ ეს წელი თქვენი ოჯახისთვის ხვავიანი იყოს.

*ახალი წლის დადგომამდე სახლი გულდასმით დაალაგეთ და ყველა უვარგისი ნივთი გადააგდეთ.

*სახლის შემოსასვლელი კარი გარედან მორთეთ. ითვლება, რომ ამას ოჯახისთვის ბედნიერება მოაქვს.

*ამბობენ, რომ თუ ახალი წლის ღამეს ყინვა იქნება, მოსავლიანი წელი გველისო. აგრეთვე მოსავლიანი და ბედნიერი წელი გველის, თუ ცა ვარსკვლავებით მოჭედილი იქნება.

*ამბობენ, რომ როცა დროის ათვლა დაიწყება, მუჭში ფული უნდა გეჭიროთ, რათა ეს წელი ბარაქის მომტანი იყოს თქვენთვისო.

*თუ ახალი წლის ღამეს ვინმე ვალს დაგიბრუნებთ, ან ფულს გაჩუქებთ (რაც ძალიან იშვიათად ხდება), ეს წელი თქვენთვის ძალიან წარმატებული იქნება.

*ახალი წლის დადგომამდე ნახევარი საათით ადრე დაწერეთ წერილი მომავალ დროში, დეტალურად აღწერეთ თქვენი გეგმები და სურვილები. ჩადეთ წერილი კონვერტში და დადეთ ისეთ ადგილას, რომ არავინ ნახოს. წერილს მთელი წლის განმავლობაში ადგილი არ უნდა შეუცვალოთ, მაშინაც კი, თუ სურვილი აგისრულდებათ. ის მხოლოდ მომავალი ახალი წლის ღამეს შეგიძლიათ გახსნათ.

*თქვენი სურვილები დაწერეთ ცალ-ცალკე ფურცლებზე, ახალი წლის ღამეს დაიდეთ ბალიშის ქვეშ და პირველ იანვარს, როცა გაიღვიძებთ, თვალდახუჭულმა ამოიღეთ ერთ-ერთი მათგანი. ის აუცილებლად აგისრულდებათ ამ წელს.
































ტექსტის სანახავად გაიარეთ რეგისტრაცია.