რაც შეეხება სიუჟეტს: ჯერ კიდევ სერიალის დაწყების პერიოდში აღვნიშნე, რომ ახალგაზრდა სცენარისტი ქეთი დევდარიანი უნიჭიერესია თავის ჟანრში და ქმნის საკმაოდ ორიგინალურ, ძალიან სახალისო და რაც მთავარია, ჭეშმარიტად ქართულ ხასიათზე მორგებულ ეროვნულ პროდუქტს, რომელიც ყველა ასაკისა თუ გემოვნების ადამიანს მოსწონს.
ფილმიც ასეთივე გამოვიდა, ჭეშმარიტად ჩვენი და ჭეშმარიტად ქართული. აქ თავმოყრილია აბსოლუტურად ყველა ნიუანსი და ცოტათი საქილიკო დეტალი, რომელიც ჩვენს ქორწილებსა და ზოგადად, ქართულ ყოფას ახასიათებს - დაწყებული შვილის არჩევანით გულმოკლული სადედამთილოს ისტერიკებით, დამთავრებული ქორწილში ამტყდარი ჩხუბითა და აყალმაყალით.
ფილმში სიუჟეტი სულ მცირე დოზით, მაგრამ მაინც იხლართება რუსეთიდან ჩამობრძანებული კატოსა და ლიკუნას ლოველასი მამის გამოჩენით, რომელსაც ,,თუთიყუში მარჩელოს" ლეგენდარული შემსრულებელი ნუგზარ ერგემლიძე ასრულებს და უნდა აღინიშნოს, რომ საკმაოდ დასამახსოვრებელ, ერთგვარად კომიკურ სახეს ქმნის და დასანანი იქნება, თუ მხოლოდ კატოს ქორწილისთვის გამოჩნდება.
თუმცა, თუკი პატარძლის ქმარყოფილის სიტყვებს გავითვალისწინებთ, რომელიც ამბობს, სულ კატოს ქორწილისთვის როგორ უნდა ჩამოხვიდე თბილისშიო, შეიძლება ეს პერსონაჟი მეორედ ვეღარც ვიხილოთ. ჰო, კიდევ ერთი, კატოს მამიკო რუსეთიდან ყველასათვის უცნობი სიურპრიზით, მესამე კირვალიძით ბრუნდება. ასე რომ, კატო და ლიკუნა რუსი დაიკოს პატრონები ხდებიან.
არ ვიცი, შესაძლოა დაინტერესებული მაყურებლისათვის არც უნდა მეთქვა ეს ნიუანსები და ფილმის გემრიელი ლუკმები კინოთეატრში სანახავად უნდა შემომენახა, მაგრამ იმასაც ვიტყვი, რომ ზემოთქმულის გარდა, მაყურებელს ძალიან, ძალიან ბევრი სახალისო და რაც მთავარია, მოულოდნელი მომენტი ელის წინ, როდესაც ზოგიერთი, აქამდე ჩრდილში მდგარი პერსონაჟი საკუთარ ორიენტაციასა და გრძნობებში გამოტყდება, ზოგიერთი კი ქორწილის სუფრაზევე მიაგნებს ახალ სიყვარულს.
ამდენ სახუმარო და სახალისო მომენტს შორის არ შემიძლია, არ აღვნიშნო ცოტათი დრამატული და სევდიანი სცენა, რომელმაც, გამოგიტყდებით და, პირველად დამითუთქა გული. ვინ ვინ და, ალბათ, ირაკლი ხურცილავას ვერასდროს წარმოიდგენთ ამგვარ სიტუაციაში, მაგრამ ხომ გაგაფრთხილეთ, წინ ბევრი მოულოდნელობა გელით-მეთქი?
ასე რომ, დროს ნუ დაკარგავთ, თუკი თქვენც ჩემსავით და ჩემზე მეტადაც გიყვართ სერიალი ,,ჩემი ცოლის დაქალები", ნუღარ აყოვნებთ, კინოთეატრები გელით!!!
ფილმიც ასეთივე გამოვიდა, ჭეშმარიტად ჩვენი და ჭეშმარიტად ქართული. აქ თავმოყრილია აბსოლუტურად ყველა ნიუანსი და ცოტათი საქილიკო დეტალი, რომელიც ჩვენს ქორწილებსა და ზოგადად, ქართულ ყოფას ახასიათებს - დაწყებული შვილის არჩევანით გულმოკლული სადედამთილოს ისტერიკებით, დამთავრებული ქორწილში ამტყდარი ჩხუბითა და აყალმაყალით.
ფილმში სიუჟეტი სულ მცირე დოზით, მაგრამ მაინც იხლართება რუსეთიდან ჩამობრძანებული კატოსა და ლიკუნას ლოველასი მამის გამოჩენით, რომელსაც ,,თუთიყუში მარჩელოს" ლეგენდარული შემსრულებელი ნუგზარ ერგემლიძე ასრულებს და უნდა აღინიშნოს, რომ საკმაოდ დასამახსოვრებელ, ერთგვარად კომიკურ სახეს ქმნის და დასანანი იქნება, თუ მხოლოდ კატოს ქორწილისთვის გამოჩნდება.
თუმცა, თუკი პატარძლის ქმარყოფილის სიტყვებს გავითვალისწინებთ, რომელიც ამბობს, სულ კატოს ქორწილისთვის როგორ უნდა ჩამოხვიდე თბილისშიო, შეიძლება ეს პერსონაჟი მეორედ ვეღარც ვიხილოთ. ჰო, კიდევ ერთი, კატოს მამიკო რუსეთიდან ყველასათვის უცნობი სიურპრიზით, მესამე კირვალიძით ბრუნდება. ასე რომ, კატო და ლიკუნა რუსი დაიკოს პატრონები ხდებიან.
არ ვიცი, შესაძლოა დაინტერესებული მაყურებლისათვის არც უნდა მეთქვა ეს ნიუანსები და ფილმის გემრიელი ლუკმები კინოთეატრში სანახავად უნდა შემომენახა, მაგრამ იმასაც ვიტყვი, რომ ზემოთქმულის გარდა, მაყურებელს ძალიან, ძალიან ბევრი სახალისო და რაც მთავარია, მოულოდნელი მომენტი ელის წინ, როდესაც ზოგიერთი, აქამდე ჩრდილში მდგარი პერსონაჟი საკუთარ ორიენტაციასა და გრძნობებში გამოტყდება, ზოგიერთი კი ქორწილის სუფრაზევე მიაგნებს ახალ სიყვარულს.
ამდენ სახუმარო და სახალისო მომენტს შორის არ შემიძლია, არ აღვნიშნო ცოტათი დრამატული და სევდიანი სცენა, რომელმაც, გამოგიტყდებით და, პირველად დამითუთქა გული. ვინ ვინ და, ალბათ, ირაკლი ხურცილავას ვერასდროს წარმოიდგენთ ამგვარ სიტუაციაში, მაგრამ ხომ გაგაფრთხილეთ, წინ ბევრი მოულოდნელობა გელით-მეთქი?
ასე რომ, დროს ნუ დაკარგავთ, თუკი თქვენც ჩემსავით და ჩემზე მეტადაც გიყვართ სერიალი ,,ჩემი ცოლის დაქალები", ნუღარ აყოვნებთ, კინოთეატრები გელით!!!