რომელ ასაკში და რით არის სასარგებლო სექსი?



სექსის 8 სასარგებლო თვისება

1. სექსის მეშვეობით სასარგებლო ჰორმონები გამომუშავდება:

ოქსიტოცინი, რომელიც კანზე სხვადასხვა იარის მოშუშებას უწყობს ხელს. ასევე, ეს ჰორმონი კმაყოფილების შეგრძნებას იწვევს, ხსნის სტრესსა და შფოთვას. ადამიანს ეხმარება, პარტნიორის გვერდით დაცულად იგრძნოს თავი, ენდოს მას. გარდა ამისა, ეს ჰორმონი არეგულირებს წნევას და სხეულის ტემპერატურას.

დოპამინი სიამოვნების შეგრძნებაზე აგებს პასუხს.

ტესტოსტერონი აუმჯობესებს ადამიანის რეაქციას გამღიზიანებლებზე და ახდენს ყურადღების კონცენტრირებას.

ენდორფინები, ანუ "სიხარულის ჰორმონები", ხსნის სტრესს, იცავს დეპრესიისგან, აუმჯობესებს განწყობას. უარყოფით ემოციებს სასიამოვნოთი ცვლის. ამ ჰორმონების საიდუმლო იმაში მდგომარეობს, რომ ისინი არა მხოლოდ სექსის დროს გამოიყოფა, არამედ უბრალოდ, სითბოსა და ყურადღების გამოხატვის დროსაც. ამიტომაც – ჩაეხუტეთ ერთმანეთს!

მაღლდება ინსულინის დონე. ეს კი იმას ნიშნავს, რომ სექსი შაქრის დიაბეტის პროფილაქტიკაც არის.

2. სექსი ამაგრებს გულის კუნთებს. გამოიკვლიეს, რომ "გულთამპყრობელებში" ინსულტებისა და ინფარქტების რისკი 2-ჯერ მცირეა, ვიდრე სხვებთან.

3. რეგულარული სექსი ჩვენს გონებასაც ეხმარება გახსნაში და აქტიურად მუშაობაში. ერთი მხრივ, ტვინში სისხლის აქტიური მიწოდებით მატულობს ჟანგბადის დონე. შესაბამისად, ტვინის მუშაობა აქტიურდება. მეორე მხრივ, სექსი თავის ტვინის უჯრედების აქტიურ ზრდას უწყობს ხელს, რაც მეხსიერების განვითარებასა და ათვისებაზე აგებს პასუხს. რაც მეტ სიამოვნებას იღებს ადამიანი სექსისგან, მით მეტია ასეთი უჯრედების რაოდენობა.

4. სექსი მამაკაცებში პროსტატის განვითარების რისკს ამცირებს, ხოლო ქალებში – მასტოპათიის.

5. ინტიმური ლტოლვის დროს მატულობს იმუნოგლობულინის რაოდენობა, შესაბამისად კი, ორგანიზმში იმუნური სისტემის მუშაობა უმჯობესდება. ამის ხარჯზე, რეგულარული სექსის შემთხვევაში ნაკლებია ვირუსების, გრიპისა და გაციების შემთხვევები.

6. სექსის მეშვეობით შესაძლებელია ზედმეტი კილოგრამების მოშორება. მაგალითად, 4-5-წუთიანი სექსის განმავლობაში იმდენივე კალორია იწვება, რამდენსაც თქვენ დახარჯავდით, მაგალითად, 15 წუთით სირბილის დროს. სქესობრივი კავშირის დროს, კუნთების სპეციფიკური მუშაობისას კი თეძოები, მკერდი, პრესი და კიდურები ფორმირდება. რით არ არის ფიზკულტურა?

7. რეგულარული სექსი ზრდის კოლაგენის რაოდენობას, რაც კანის სიგლუვეზე აგებს პასუხს და ამცირებს ნაოჭების რაოდენობას.

8. ორგაზმის დროს სუფთავდება ორგანიზმი, კვდება ყველა მავნე მიკრობი. ეს კი ადამიანის სიცოცხლეს ახანგრძლივებს.

რომელ ასაკშია სექსი სასარგებლო?

ითვლება, რომ სქესობრივი ცხოვრების დაწყების საშუალო ასაკი 17-18 წელია. ნაადრევად დაწყებულ სექსუალურ ცხოვრებას კი კარგი არაფერი მოაქვს.

ჩატარებული კვლევების შედეგად დადგინდა, რომ მოზარდებს, რომელთაც ადრეულ ასაკში დაიწყეს სექსუალური ცხოვრება, სხვებზე ხშირად ხვდებათ სქესობრივი გზით გადამდები დაავადებები. გარდა ამისა, ისინი ხშირად ინტიმით ალკოჰოლის ზემოქმედების ქვეშ მყოფნი არიან დაკავებულნი და ხშირად იცვლიან პარტნიორებს, თანაც დაუკვირვებლად. ასეთი სქესობრივი ქმედება შემდგომ ცხოვრებაზეც აისახება.

17-20 წელი

17-20 წლის ასაკში დაწყებული ინტიმური ცხოვრება ახალგაზრდებს ეხმარება, გაიზარდონ პიროვნულად (კარგად ვითარდება ემოციური და შემეცნებითი საქმიანობა, კომუნიკაბელურობა, ემპათია). განსაკუთრებულ როლს ამ შემთხვევაში თამაშობს საწინააღმდეგო სქესთან სრულფასოვანი ურთიერთობა: სურვილი და უნარი, მოაწონოს თავი, იზრუნოს სხვაზე, გაითვალისწინოს საყვარელი ადამიანის სურვილები და მოთხოვნილებები და სხვა...

მოცემულ ასაკობრივ კატეგორიაში ყველა ვერ განიცდის ორგაზმს და საერთოდაც, იმას ვერ იღებს, რაც სურს. მაგრამ ამ პერიოდის პლუსი იმაში მდგომარეობს, რომ ინტიმის მიმზიდველობის დიდი ნაწილი ემოციურობაზე მოდის და იმაზე, რომ აკეთო ის, რაზეც ადრე არც უნდა გელაპარაკა და მით უმეტეს, არ უნდა გაგეკეთებინა. იმისათვის, რომ სიყვარულით ტკბობამ მეტი სიამოვნება და სარგებელი მოიტანოს, აუცილებელია, წინასწარ მიიღონ ახალგაზრდებმა ინტიმის საკითხებში თეორიული ცოდნა.

21-30 წელი

მთავარი კითხვა, რომელსაც მამაკაცი ამ ასაკში უსვამს საკუთარ თავს, არის: "ნეტავ როგორი ვარ საწოლში?" იმისათვის, რომ ამ კითხვაზე დადებითი პასუხი გასცეთ, აუცილებელია, შეისწავლოთ საკუთარი თავი, სხეული, შეგრძნებები, ჩაატაროთ ექსპერიმენტები საწოლში, მოსინჯოთ სხვადასხვა პოზა – ეს ვარჯიშები დადებითად მოქმედებს პოტენციის შენარჩუნებაზე მრავალი წლის განმავლობაში.

31-40 წელი

31-40 წლის ასაკში მამაკაცმა უკვე კარგად იცის თავისი შესაძლებლობების შესახებ. ამან შეიძლება მიიყვანოს ჩვეულ და სტანდარტულ სექსამდე. როგორც ცნობილია, მონოტონურმა სექსმა შესაძლოა, სურვილი ნელ-ნელა შეამციროს.

იმისათვის, რომ ასე არ მოხდეს და სექსისგან მეტი სარგებელი მიიღოთ, მამაკაცმა უნდა მოუსმინოს პარტნიორ ქალს, გამოიცნოს, რა უნდა მას ან ჰკითხოს მისი სურვილების შესახებ, ჩაატაროს ექსპერიმენტები. იმის შესაძლებლობა, მოსინჯოთ რაღაც ახალი, გრძნობებსაც გააღვივებს.

41-50 წელი

იმისათვის, რომ ამ ასაკში სექსისგან მეტი სარგებელი მიიღოთ, მნიშვნელოვანია, მოერიდოთ მონოტონურობას. წყვილმა ხშირად უნდა ცვალოს პოზები სექსის დროს.

ამ ასაკში თითქმის ყველაფერს დადგენილ ნორმად აღიქვამ. ამიტომაც შესაძლოა, რომ სექსი მეორეხარისხოვანი გახდეს. იმისათვის, რომ ასე არ მოხდეს, დააბრუნეთ რომანტიზმი ურთიერთობებში. აჩუქეთ ერთმანეთს საჩუქრები, მოაწყვეთ რომანტიკული პაემნები.

51 წელი და მეტი

"შეიძლება თუ არა ამ ასაკში სექსი?" - იკითხავთ თქვენ. გპასუხობთ: "დიახ და აუცილებელიც არის!" სექსი ხნიერ ასაკში განსაკუთრებით მნიშვნელოვანია და ამით აუცილებლად უნდა დაკავდეთ, თუ ჯანმრთელობა გიწყობთ ხელს.

აქტიური სქესობრივი ცხოვრება ხანშიშესულ ადამიანებს საშუალებას აძლევს, კვლავ ახალგაზრდად იგრძნონ თავი, მიიღონ დადებითი ემოციები, გაუმკლავდნენ სტრესებს. მაგრამ მთავარი პირობა ამ ყველაფრისთვის არის – სექსუალურ ცხოვრებაზე ახალგაზრდობიდან იზრუნოთ და სასურველია, ერთსა და იმავე პარტნიორთან.

ყოველთვის სასარგებლოა სექსი, ანუ ვინ უნდა იყოს ფრთხილად?

ცნობილია, რომ სექსი ბევრ ენერგიას ართმევს ადამიანს, მაღლა სწევს წნევას, ტვირთავს გულს, ტვინსა და სისხლძარღვებს. ამიტომაც ადამიანებმა, რომლებსაც აწუხებთ არტერიული ჰიპერტონია, ათეროსკლეროზი და ნევრალგია, უნდა მიმართონ კონსულტაციისთვის ექიმს და მისგან აიღონ ნებართვა სექსუალური აქტივობისთვის
































ტექსტის სანახავად გაიარეთ რეგისტრაცია.