ქალებისთვის საამაყო დიდი მკერდი შესაძლოა, მათივე ჯანმრთელობისთვის სახიფათო აღმოჩნდეს. მსოფლიოში მკერდის ზომის საშუალო მაჩვენებლი სულ უფრო იზრდება. მეცნიერები შიშობენ, რომ აღნიშნული ტენდენცია ქალის ჯანმრთელობაზე ნეგატიურად აისახება.
პროფესორი, ფლორენს ვილიამი ამტკიცებს, რომ მკერდის ადრეულ ასაკში განვითარების მიზეზი ბიოლოგიურ პროცესებში მიმდინარე ცვლილებებია. არსებული სტატისტიკით, მკერდის ზომა სხეულის გარშემოწერილობებთან ერთად იზრდება.
განსაკუთრებით საგრძნობი ეს ტენდენცია ამერიკაშია. მკერდის ზომის ზრდას წონის მატებაც უწობს ხელს. შედეგად, მენოპაუზის პერიოდში მკერდის კიბოს განვითარების რისკი იზრდება. კიდევ ერთი სავალალო სტატისტიკით, გოგონები ნაადრევად ყალიბდებიან, რაც მომავალში შესაძლოა ონკოლოგიური დაავადებების გამომწვევი გახდეს.
დღესათვის, ამერიკელ გოგონათა 15%-ს მკერდის განვითარება შვიდი წლის ასაკში ეწყება. სარძევე ჯირკვლების კიბოს გავრცელების შემთხვევები 1940-იანი წლებიდან მოყოლებული 2-ჯერ გაიზარდა. მკერდის კიბოთი დაავადებულია ყოველი მერვე ამერიკელი ქალბატონი.
მეცნიერები სავალალო ტენდენციის ახსნას ცდილობენ. მათი თქმით, მკერდის ქსოვილი დაბინძურებული ნივთიერებების გავლენას განიცდის. ვერცხლისწყლისა და ნახევრადქლორირებული ბიფენილების მსგავსი მავნე ქიმიური ნაერთები ცოცხალ ქსოვილში იჭრება, საიდანაც დედის რძეში აღწევენ. შესაბამისად, ექსპერტები ძუძუთი კვების საშიშროებაზეც ალაპარაკდნენ. ანალიზის შედეგად, რძეში ქიმიური ნივთიერება - პერქლორატი აღმოჩნდა, რომელიც რეაქტიული ძრავებისთვის განკუთვნილი საწვავის კომპონენტია
დიდი მკერდი დიდ პრობლემებს ქმნის
⏱️ 1 წთ.
👁️ 3 722
100%