2013 წელს შოკოლადი დეფიციტური პროდუქტი იქნება



პირველად 3 სეზონის განმავლობაში, მსოფლიო ბაზარზე დასავლეთ აფრიკიდან კაკაოს მოწოდება შენელდა. ეს კი იმას ნიშნავს, რომ შოკოლადზე ფასი საგრძნობლად მოიმატებს.

ცუდი მოსავლის გამო წელს კაკაოს წარმოება 2,9%-ით (3, 85 ტონამდე) შემცირდება. კოტ-დიუვარში, განაში, ინდონეზიასა და ნიგერიაში გვალვა კაკაოს მოსავლიანობაზე აისახა. არადა, სწორედ ამ ქვეყნებზე მოდის კაკაოს მარცვლების მსოფლიო ბაზრის მომარაგების 74%.

ამასთან, კაკაოზე მოთხოვნა ერთიორად გაიზარდა. Macquarie Group-ის ანალიტიკოსები ამბობენ, რომ ამ პროდუქტზე მოთხოვნილება მალე კაკაოს მარაგს 101 000 ტონით გადააჭარბებს. ხოლო Rabobank International-ის ექსპერტები ამტკიცებენ, რომ მსოფლიო ბაზარზე კაკაოს დეფიციტი 122 000 ტონას აღწევს.

საერთო ჯამში, ყველაფერი ეს იმაზე მეტყველებს, რომ შოკოლადზე ფასები გაიზრდება. Bloomberg-ის მონაცემებით, 2013 წლის პირველ დეკადაში ტონა პროდუქტზე ფასი 7,8 %-ით გაიზრდება, დაახლოებით 2 643 დოლარამდე.

Hackett Financial Advisors Inc-ის პრეზიდენტი შონ ჰეკენი კიდევ უფრო ნაკლებდამამშვიდებელ პროგნოზს გვაძლევს – შოკოლადზე ფასი 2013 წლის პირველ ნახევარში 40%-ით გაიზრდება.

ნუთუ ამის მერე შოკოლადის თოვლის პაპები და კანფეტების საახალწლო ნაკრებები მხოლოდ მდიდარი ადამიანების სუფრებზე იდება?
































ტექსტის სანახავად გაიარეთ რეგისტრაცია.