სექსი კანოეში, ანუ როგორი საყვარლები არიან კანადელები

კანადელები, რომლებსაც ბევრი კონსერვატორულ ხალხად მიიჩნევს, სინამდვილეში განსაკუთრებული "ჩრდილოური ტემპერამენტით" გამოირჩევიან, ძალიან აქტიურები არიან სექსში და სხვადასხვა ექსპერიმენტისთვის გახსნილები. ასეთი შედეგი აჩვენა გამოკითხვამ, რომელიც კომპანია Fesh + sexy-ს დაკვეთით ჩატარდა.

გამოკითხვის 1003 მონაწილიდან, რომელთა ასაკიც 18-იდან 49 წლამდე მერყეობდა, 8%-მა უპასუხა, რომ ყოველდღე აქვს სექსი, 33%-ს კვირაში რამდენჯერმე აქვს ინტიმური კავშირი, 35%-ს - თვეში რამდენჯერმე, ხოლო 19% თვეში ერთხელ ან უფრო იშვიათად მიეცემა ვნებას.

საერთოდ, "საშუალო კანადელი" ვერ კმაყოფილდება ერთი პარტნიორი ქალით. ჩრდილოამერიკული ქვეყნის მკვიდრი მთელი ცხოვრების მანძილზე, როგორც წესი, საშუალოდ, 12 სექსუალურ პარტნიორს იცვლის.

გამოკითხულ მამაკაცთაგან 23%-მა და ქალებიდან 13%-მა განაცხადეს, რომ მათ ცხოვრებაში 20-ზე მეტი სექსუალური პარტნიორი ჰყოლიათ. 17% მხოლოდ ერთ პარტნიორს დასჯერდა, თუმცა ეს პასუხი უმეტესად ახალგაზრდა რესპონდენტებმა გასცეს, რომელთაც სულ ახლახან დაიწყეს სქესობრივი ცხოვრება