თუ თქვენი რჩეული მთქნარებისას პირზე მუშტს იფარებს



ფსიქოლოგებმა დიდი ხანია, ისწავლეს ადამიანის ხასიათისა და განცდების ჟესტიკულაციითა თუ მიმიკებით გამოცნობა. არსებობს რამდენიმე პირობითი ნიშანი, რომელთა მიხედვითაც ამ შემთხვევაში ნამდვილ მამაკაცს ამოიცნობთ.

დაუკვირდით, როგორ სუნთქავს მამაკაცი

ქალები, როგორც წესი, ჰაერს გულმკერდით ჩაისუნთქავენ, ხოლო მამაკაცები - მუცლით. ეს "ფუფუნება" ძლიერ სქესს წილად იმიტომ ხვდა, რომ ღმერთმა ბავშვის მუცლით ტარების ბედნიერება არ არგუნათ. გარდა ამისა, მამაკაცები ცხოვრების მჯდომარე წესს ეწევიან, რაც, თავის მხრივ, აძნელებს დიაფრაგმის სუნთქვით მოძრაობას.

სთხოვეთ, კარნახით დაწეროს რამე

მამაკაცები გაცილებით მეტ შეცდომას უშვებენ კარნახისა და, საერთოდ, წერისას, ვიდრე ქალები. ამაში "დამნაშავე" მამაკაცური ჰორმონი ტესტოსტერონია. იგი ჩასახვიდან 6 კვირის შემდეგ უკვე აფერხებს ტვინის ნახევარსფეროს განვითარებას, რომელიც პასუხისმგებელია ადამიანის მეტყველებაზე, კითხვაზე, წერასა და აბსტრაქტულ აზროვნებაზე. სწორედ ამით აიხსნება ისიც, რომ ბიჭები საშუალოდ ერთი წლის დაგვიანებით იწყებენ გამართულად ლაპარაკს, ვიდრე გოგონები.

ასევე, უფრო ცუდად კითხულობენ, ვერც ლამაზი კალიგრაფიით იწონებენ ხშირად თავს. ძნელად ეგუებიან ახალ კოლექტივს, მწვავედ და მძიმედ განიცდიან მშობლების დაცილებას. სხვათა შორის, მამაკაცებში პროცენტულად უფრო მაღალია ნევროზებისა და დეპრესიის განვითარების რისკიც.

სთხოვეთ რაიმე ნივთის მოტანა

მაშინ, როცა ქალს რამდენიმე წამში შეუძლია იპოვოს ნებისმიერი ნივთი საკუთარ სახლში, კაცმა შეიძლება მის ძებნას მთელი დღე მოანდომოს. მამაკაცის ტვინს ამდენი წვრილმანის დამახსოვრება არ შეუძლია და არც დაწვრილმანების უნარი აქვს. აი, სწორედ ამიტომ არის, რომ ისინი დილით ხშირად ვერ იხსენებენ, ოთახის რომელ კუთხეში გაიხადეს წინა ღამეს წინდები.

მიაქციეთ ყურადღება, როგორ იქცევა ძილის შემდეგ

გამოღვიძების შემდეგ მთქნარებისას პირს მუშტით იფარავს და არა ხელისგულით? გაზმორებისას იჭიმება და ხელს სწევს მაღლა და არ ხრის იდაყვში? ნათელია, რომ თქვენ წინაშე ნამდვილი მამაკაცია.

დააკვირდით ტანსაცმლის ჩაცმისა და გახდის მანერას

მამაკაცი თავდაპირველად იცვამს შარვალს, შემდეგ პერანგს, ქალები კი - პირიქით. ხალათს ძლიერი სქესის წარმომადგენლები იკრავენ ჭიპის ქვემოთ, ქალები კი ზემოთ. სვიტერის ან მაისურის გახდის დროს მამაკაცები ხელებს უკან სწევენ და ტანსაცმელს ზურგიდან ექაჩებიან, ქალები კი წინიდან იხდიან.

ჩართეთ ტელევიზორი მაქსიმალურად მაღალ ხმაზე

ძლიერი ხმაურის დროს ქალები ყურებს თითით იხშობენ. ამ დროს მამაკაცები ყურებზე ხელისგულს იჭერენ.

სთხოვეთ, გაჩვენოთ ხელები

თქვენმა რჩეულმა პატიოსნად გამოგიწოდათ და გაჩვენათ გაშლილი ხელისგულები? ასე მხოლოდ ნამდვილი მამაკაცები იქცევიან. ქალები, როგორც წესი, ხელებს ზურგის მხრიდან აჩვენებენ და თანაც მანიკიურისა და მოვლილი თითების დემონსტრირებას ახდენენ.

დაავალეთ ერთდროულად რამდენიმე საქმის გაკეთება

მეცნიერთა აზრით, მამაკაცისათვის ეს ძალიან მძიმე დავალებაა, ქალისათვის პირიქით - მისწრება. მამაკაცს არ შეუძლია, შეამოწმოს საბუთები, თან ისაუბროს, თან ტელევიზორს უყუროს. მამაკაცის ტვინს არ შეუძლია ერთდროულად იმუშაოს სხვადასხვა მიმართულებით. რაც შეეხება ქალის ფსიქიკას, ის ბუნებრივად მრავალფუნქციურია. ამიტომ ფსიქოლოგები ხელმძღვანელ პირებს ურჩევენ, ერთდროულად რამდენიმე საქმის კურირება სუსტი სქესის წარმომადგენლებს მიანდონ
































ტექსტის სანახავად გაიარეთ რეგისტრაცია.