მომღერალი, რომელსაც საზოგადოება ექსცენტრიული საქციელით არაერთხელ გაუოცებია, კვლავ პრესის ყურადღების ცენტრში აღმოჩნდა. ქალაქ ბელუ-ორიზონტის სასტუმროს თანამშრომლების თქმით, ელტონ ჯონმა მათ ბრაზილიაში ჩასვლამდე რამდენიმე დღით ადრე დამატებითი ნომრის დარეგისტრირება სთხოვა.
"მომღერალმა მიგვითითა, რომ ოთახში ჰაერის ტემპერატურა 16 გრადუსს არ უნდა აღემატებოდეს, უფრო მეტიც, სერ ელტონმა ითხოვა, რომ მთელი ნომერი ცოცხალი ყვავილებით ყოფილიყო მორთული",- ყვება სასტუმროს ადმინისტრატორი.
როგორც აღმოჩნდა, კომპოზოტორმა დამატებითი ნომერი სპეციალურად სათვალეების ძვირფასი კოლექციისთვის იქირავა.
"მომღერლის მიერ წარმოდგენილი მოთხოვნების სია ძალიან დიდი არ არის",- აცხადებს ვარსკვლავის ტურის ორგანიზატორი ალუიზერ მალაბი.
კომერციულად ერთ-ერთ ყველაზე წარმატებულ შემსრულებელს თავისი მოთხოვნებით სხვა სასტუმროს თანამშრომლებიც არაერთხელ გაუოცებია. მაშინ ელტონ ჯონმა ითხოვა, რომ მის საგარდერობოში 10 ადამიანის დასაჯდომი ადგილი, დივანი და სავარძლები ყოფილიყო.
მომზადებულია lifenews.ru-ს მიხედვით.