იდეალური მამაკაცის ხუთი დამახასიათებელი თვისება



რა თქმა უნდა, ნებისმიერ ქალბატონს სურს, გვერდით იდეალური მამაკაცი ჰყავდეს. თუმცა, აუცილებელია ყველამ იცოდეს, რომ ასეთი რამ მხოლოდ რომანტიკულ ფილმებშია შესაძლებელი. რეალურ ცხოვრებაში კი მამაკაცის ხასიათისა და ჩვევების გასათვითცნობიერებლად, დიდი დრო არის საჭირო. გააზრების შემდეგ კი ქალმა საკუთარ თავს გარკვეული დრო უნდა მისცეს, ამ დროში უნდა გადაწყვიტოს, სურს თუ არა ამ მამაკაცის გვერდით ყოფნა. ეს რა თქმა უნდა საკმაოდ რთული გადასაწყვეტია. იმისათვის რომ მიხვდეთ თქვენი რჩეული არის თუ არა იდეალური, ამაში ქვემოთ მოცემული ხუთი კრიტერიუმი დაგეხმარებათ.

პირველი კრიტერიუმი: პატივისცემა...

როცა საქმე იმის გარკვევამდე მიდის, თქვენი რჩეული არის თუ არა ნამდვილი მამაკაცი, პირველ რიგში ყურადღება უნდა მიაქციოთ იმ ფაქტს, თუ რამდენად გცემთ იგი პატივს. პატივისცემა ყოველთვის პირველ ადგილზე უდნა დააყენოთ. ამასთანავე, პატივისცემა აუცილებლად ორმხრივი უნდა იყოს. პარტნიორი უნდა აფასებდეს მის მეწყვილეს. შესაძლოა ითქვას, რომ მამაკაცი ქალბატონს პატივს მაშინ სცემს, თუ: იგი მზად არის წავიდეს კომპრომისზე მაშინ, როცა რაღაც ისე არ მოხდა როგორც სასურველი იყო. ამასთანავე, იგი უნდა ითვალისწინებდეს პარტნიორის აზრს. მას გულწრფელად უნდა უხაროდეს თავისი ქალბატონის წარმატებები. იგივე მოეთხოვება სუსტი სქესის წარმომადგენელსაც.

მეორე კრიტერიუმი: საჭირო თვისებები...

მაშინ, როცა ქალი იდეალურ პარტნიორს ეძებს, აუცილებელია თავდაპირველად გაარკვიოს, თუ რა თვისებებია მისთვის მისაღები და საინტერესო. თუ ამის გარკვევას მამაკაცის გაცნობის შემდეგ დაიწყებთ, შესაძლოა სერიოზული პრობლემები შეგექმნათ. სულაც არ იქნება უცნაური, თუ აღნიშნული თვისებების სიას შეადგენთ. კარგი იქნება თუ ათ თვისებაზე მეტს არ ამოირჩევთ, წინააღმდეგ შემთხვევაში ნამდვილად გაგიჭირდებათ თქვენთვის იდეალური მამაკაცის პოვნა. სიის შედგენის შემდეგ გადახედეთ მას სრულიად სერიოზულად და ყველაფერთან ერთად, შეგიძლიათ გარკვეული თვისებები ან საერთოდ გამორიცხოთ, ან ჩაანაცვლოთ კიდეც. ამ გზით, სიაში უნდა დარჩეს ხუთი საუკეთესო თვისება. სწორედ ეს ხუთი საუკეთესო თვისება ეძებეთ იმ მამაკაცში რომელსაც თქვენ გვერდით ყოფნის უფლებას მისცემთ.

მესამე კრიტერიუმი: ოჯახური ღირებულებები...

რას აფასებს თავად ქალბატონი ყველაზე მეტად? რა ღირებულებებია მისი ცხოვრების მთავარი შემადგენელი ნაწილი? ესენი გახლავთ მნიშვნელოვანი კითხვები, რომლებიც აუცილებლად უნდა დაუსვათ საკუთარ თავს. ხოლო პასუხის გაცემის შემდეგ თუ აღმოაჩნეთ, რომ მამაკაცი არ იზიარებს იმავე ღირებულებებს, მაშინ იცოდეთ, რომ იგი თქვენთვის იდეალური ნამდვილად არ არის. ძირითადად, ქალბატონი ცდილობს მამაკაცის ღირებულებები გაითავისოს და ისინი საკუთარ ღირებულებებად აქციოს. ეს კი წყვილის ურთიერთობისთვის დადებითად არასდროს დასრულებულა. ხოლო, თუ მამაკაცს კონკრეტული ცხოვრებისეული ღირებულებები არ გააჩნია, მაშინ იგი უბრალოდ დინებას მიჰყვება. ასეთ შემთხვევაში ეს მამაკაცი თქვენთვის იდეალური ნამდვილად არ იქნება.

მეოთხე კრიტერიუმი: ინტუიცია

ინტუიცია, ანუ შინაგანი ხმა არასდროს არ უნდა დატოვოთ უყურადღებოდ. მაგრამ ამავდროულად, ინტუიცია არ უნდა იქცეს თქვენს მმართველად. ინტუიცია ორიენტირის როლს უნდა ასრულებდეს, იგი სწორი გადაწყვეტილების საშუალებას უნდა გაძლევდეთ. მიუხედავად ყველაფრისა, თქვენს ინტუიციას შესწევს ძალა მიგახვედროთ ის, რომ თქვენი რჩეული ან შეგეფერებათ ან არა. ინტუიციის საშუალებით მიხვდებით თქვენთვის იდეალურია თუ არა თქვენი პარტნიორი.

მეხუთე კრიტერიუმი: იყო ის, რაც რეალურად ხარ

მამაკაცი, რომელიც ცდილობს საკუთარ ქალბატონს უღალატოს, მას უბრალოდ არ შეუძლია მიიღოს სუსტი სქესის წარმომადგენელი ისეთად, როგორიც იგი რეალურად არის. იგი ვერ ითავისებს პარტნიორს თავისი უარყოფითი თუ დადებითი თვისებებითა და ნაკლოვანებებით. ამიტომ, თუ ქალს შესწევს ძალა იყოს თავის მამაკაცთან ის ვინც ნამდვილად არის და არ უწევს თამაში, მაშინ მისი რჩეული ნამდვილად იდეალურია და ნამდვილად უყვარს იგი. ეს იმას ნიშნავს, რომ ძლიერი სქესის წარმომადგნელი ქალის არა მარტო დადებით მახასიათბელებს, არამედ უარყოფითსაც იღებს. ქალი, რომელსაც მეორე ნახევართან თამაში არ უწევს, განიცდის უდიდეს სიამოვნებას და საკუთარი ცხოვრებით ტკბობას.
































ტექსტის სანახავად გაიარეთ რეგისტრაცია.