ვისი ინიციატივით მოხვდა ლელა მებურიშვილი სერიალ "ჩემი ცოლის დაქალებში" და რის შესახებ ესაუბრა ის ნინო გაჩეჩილაძეს?



ყველაზე პოპულარული სერიალის "ჩემი ცოლის დაქალების" ახალი სეზონი სიახლეებით დაიწყო: მსახიობმა ნინო გაჩეჩილაძემ სერიალი დატოვა, თუმცა კატოს პერსონაჟი სერიალში კვლავ დარჩა. "ახალი კატო" მსახიობი ლელა მებურიშვილია. როგორ მოხვდა ის სერიალში?

"ერთ საღამოს მირეკავენ (არ აკონკრეტებს ვინ დაურეკა) და მეუბნებიან, თუ შეგიძლია გადაღებაზე მოსვლა „ჩემი ცოლის დაქალების” სინჯებისთვისო. ერთი სცენის ტექსტი გამომიგზავნეს. რომ ვიკითხე, ახალ პერსონაჟს ამატებთ - მეთქი? მითხრეს – არა, კატოს როლზე უნდა გაგსინჯოთო. მივედი, გადავიღეთ სინჯი, გაიკრიფა ხალხი სხვა ოთახში და, ვიფიქრე, შევალ, დავემშვიდობები, სხვა საქმეებიც მაქვს - მეთქი. შევიხედე – მივდივარ-მეთქი და, პირდაპირ მკითხეს, როგორია შენი განრიგი, დრო როგორ გაქვს, რომ გადაღებები დავიწყოთო. მივხვდი, რომ დამამტკიცეს. როგორც გავიგე, მანამდე საკმაოდ მასშტაბური ქასთინგი ყოფილა" - გვიამბობს ლელა.
დამეთანხმებით სერიალის ერთ-ერთი რეიტინგული პერსონაჟის შეცვლა საკმაოდ სარისკო იყო. ნინო გაჩეჩილაძე და გადამღები ჯგუფი პრინციპულ საკითხებზე ვერ შეთანხმდა. ცხადია კატოს როლი ვიღაცას უნდა ეთამაშა.


ვისი ინიციატივით მოხვდა ლელა მებურიშვილი სერიალ "ჩემი ცოლის დაქალებში" და რის შესახებ ესაუბრა ის ნინო გაჩეჩილაძეს?



ნინო და ლელა მეგობრობენ, ერთ სპექტაკლში თამაშობენ, ერთ წრეში ტრიალებენ და ეს ყველაფერი უხერხულობას ნამდვილად ქმნიდა. ლელა გვიამბობს: "სანამ დავთანხმდებოდი, დიდხანს ვფიქრობდი ამაზე, არ მინდოდა, რომ ჩვენს ურთიერთობაში ეს დისკომფორტის მიზეზი გამხდარიყო. ახლა ერთ სპექტაკლში ვთამაშობთ და რეპეტიციაზე პირდაპირ ვკითხე – მითხარი, რა მოხდა-მეთქი. არაფერი, ასე გადავწყვიტეთო, – მიპასუხა და, თან მკითხა, შენთვის ხომ არ დაურეკავთო. დამირეკეს და ვფიქრობ-მეთქი. მაშინ თავად მითხრა, უნდა დასთანხმდე, საინტერესო სიახლე იქნება შენთვისო. ასე რომ, ეს დისკომფორტიც აღარ მაქვს. რეალურად, ეს არც უნდა ყოფილიყო რაიმე გაუგებრობის მიზეზი, ეს მისი გადაწყვეტილება იყო და ჯგუფმაც შემცვლელის ძებნა დაიწყო. ვინ შეცვლის – ამან აღარ მგონია, რომ ვინმეს პრობლემა შეუქმნას".

ვუსურვოთ ორივე კატოს წარმატებები...

ვისი ინიციატივით მოხვდა ლელა მებურიშვილი სერიალ "ჩემი ცოლის დაქალებში" და რის შესახებ ესაუბრა ის ნინო გაჩეჩილაძეს?


































ტექსტის სანახავად გაიარეთ რეგისტრაცია.