როგორ ამოვიცნოთ ძლიერი სქესის ხასიათი და მიზნები



იმისთვის, რომ გაიგოთ, როგორი მამაკაცი გყავთ გვერდით, სულაც არ არის საჭირო, ერთი წელი მასთან იცხოვროთ. გთავაზობთ ფსიქოლოგების რჩევებს, რომლებიც მამაკაცების მოკლე დროში ამოცნობაში დაგეხმარებათ. მამაკაცის ყველა ქმედება, განსაკუთრებით, ის, რომელსაც დაუფიქრებლად სჩადის, მის ხასიათსა და პირად თვისებებზე მეტყველებს.

რას უკვეთს რესტორანში

თუ მამაკაცი ხორციან ან კარტოფილიან კერძებს უკვეთს, ჩათვალეთ, რომ იგი სანდო ადამიანია და მყარი ურთიერთობები უყვარს, მაგრამ ცოტა სითამამე აკლია. თუ თქვენი რჩეული ეგზოტიკურ კერძებს ანიჭებს უპირატესობას, ე.ი. თქვენ გვერდით არის ადამიანი, რომელიც ურთიერთობებში სპონტანურობას აფასებს და რუტინა არ ხიბლავს.

ცაცია

მამაკაცების 85% მემარჯვენეა. თუ თქვენი მეგობარი ცაცია აღმოჩნდა, ჩათვალეთ, რომ გვერდით შემოქმედი პიროვნება გყავთ.

მამაკაცები და საცვლები

თუ თქვენს მეგობარ მამაკაცს ტანზე მომდგარი საცვლები უყვარს, იგი თავისი მამაკაცური ღირსებით ძალიან ამაყობს. რაც უფრო ვიწრო საცვლები აცვია, მით მეტი სურვილი აქვს, თავისი სექსუალური შესაძლებლობები გამოავლინოს. ამასთანავე, სექსის დროს ყოველთვის გაითვალისწინებს თქვენს მოთხოვნებსაც.

მოკრივის ტრუსების მოყვარულები საწოლში ისეთი ეფექტურები სულაც არ არიან, როგორადაც შეიძლება თავი მოგაჩვენონ. თუ მამაკაცი საერთოდ უარს ამბობს საცვალზე, იგი თავისუფლების მოყვარული ტიპია. მასთან ყველანაირი სექსუალური ფანტაზიის განხორციელება შეიძლება.

მამაკაცი და თმა

რაც უფრო მეტი თმა აქვს მამაკაცს თავზე, მით უფრო თავდაჯერებულია, თუმცა შეიძლება მგრძნობიარე ხასიათი ნაკლებად ჰქონდეს.

ლამაზი ვარცხნილობის მქონე მამაკაცები ძალიან თავდაჯერებულები არიან. მათ იციან, რა უნდათ ცხოვრებაში და როგორ მიაღწიონ ამას. ნახევრად და სრულიად მელოტ მამაკაცებს თავდაჯერებულობის პრობლემა აქვთ, თუმცა ქალებთან ურთიერთობაში უფრო გამგებნი და ფაქიზები არიან.

თვალებში ცქერა

მამაკაცი, რომელიც მოსაუბრეს თვალებში არ უყურებს, პატიოსნებას მოკლებულია, თუმცა, როდესაც მოსაუბრეს თვალებში მიშტერებია, ეს მის პატიოსნებაზე არ მეტყველებს, უბრალოდ, ამით სურს, თანამოსაუბრე შეაშინოს. ვნებიანი გამოხედვის ამოცნობა კი ყველა ქალს შეუძლია.

მამაკაცი და საუბარი

თუ მამაკაცი ენაჭარტალაა, ე.ი. თქვენ გვერდით ენერგიული ადამიანია, რომელიც ყველაფერს გააკეთებს იმისთვის, რომ ხასიათზე მოგიყვანოთ. თუ თქვენი რჩეული ნელა ლაპარაკობს, ჩათვალეთ, რომ მისი ცხოვრებისეული დევიზია -"ასჯერ დაფიქრდი, ერთხელ გაჭერი". მართალია, ასეთი მამაკაცისგან სიურპრიზებს არ უნდა ელოდოთ, მაგრამ ყოველთვის დარწმუნებული იყავით, ის გეუბნებათ იმას, რასაც ფიქრობს.

ის, რასაც დროთა განმავლობაში გაიგებთ

რამდენად ერთგულია მამაკაცი, სიტყვის კაცია თუ არა, რა მავნე ჩვევები აქვს - ამის გარკვევას დრო სჭირდება. თქვენ შეგიძლიათ წახვიდეთ რისკზე და დარწმუნდეთ, ნამდვილად სწორი არჩევანი გააკეთეთ თუ არა.


ჟურნალი "რეიტინგი"

წყარო
































ტექსტის სანახავად გაიარეთ რეგისტრაცია.