ირლანდიელმა მოსამართლემ მართლმსაჯულების ფუნქცია 15 წლის ყმაწვილს დააკისრა. ამ კურიოზული გადაწყვეტილების თანახმად, ბიჭმა თავად უნდა გადაწყვიტოს - მამა დაისაჯოს თუ დედა.
საქმე აღიძრა გაკვეთილების გამცდენი ყმაწვილის გამო, რომელმაც არასაპატიო მიზეზით 114 სასწავლო დღიდან 91 გააცდინა. მოსამართლის თქმით: „ ყველა მოზარდმა რომ დამოუკიდებლად მიიღოს გადაწყვეტილება გაკვეთილებზე დასწრება-არდასწრებაზე, ქვეყანაში ანარქია დაიწყება“.
მიუხედავად იმისა, რომ ბიჭი გააფრთხილეს, თუ შატალოებს გააგრძელებდა, მის მშობლებს პრობლემები შეექმნებოდათ მართლმსაჯულებასთან, ის მაინც უტიფრად განაგრძობდა გაცდენებს. აღსანიშნავია, რომ განათლების საქალაქო ოფისის ხელმძღვანელმა აღნიშნა, რომ ბრალდებული მშობლების ვაჟი სასიამოვნო ყმაწვილია და არასოდეს ჰქონია პრობლემები სკოლაში, თუმცა სრულიადაც არ არის დაინტერესებული სწავლით.
მოკლედ ბიჭის საქციელის გამო მშობლები უნდა დაისაჯონ, ოღონდ თავად შვილმა უნდა გადაწყვიტოს საამისოდ დედას გაიმეტებს თუ მამას. ადვოკატი კი ითხოვს, თუ ბიჭი არ გამოსწორდება 10 აპრილამდე, როდესაც მას 16 წელი უსრულდება, თავის საქციელზე მან თავად აგოს პასუხი.
სასამართლო ერთი თვით გადაიდო იმ პირობით, რომ ბიჭი სკოლაში ივლის, თორემ მის ერთ-ერთ მშობელს დასჯიან. თანაც გააფრთხილეს, თუ არ გამოსწორდა 10 აპრილს მას სატუსაღოში უკრავენ თავს.
წყარო
×