"ჩემი ცოლის დაქალებს" მაყურებელი აუჯანყდა!



ყველასათვის საყვარელ და მეგაპოპულარულ სერიალ "ჩემი ცოლის დაქალებს" მაყურებელი აუბუნტდა.

ჯერ იყო და, სერიალის ერთ-ერთი ყველაზე საყვარელი გმირის, კატოს როლის შემსრულებლის (ნინო გაჩეჩილაძე) კადრს მიღმა დატოვება არ გვქონდა მონელებული, რომ თავს ახალი "უბედურება" დაგვატყდა და სანიმუშო მეუღლესა და სამაგალითო მამა დავით გოცირიძეს ოჯახის დანგრევისაკენ უბიძგეს.

ბიძგი ბიძგია, მაგრამ საქმე მართლაც რომ სავალალოდაა და ყველაფერი აქეთ მიდის, ამაზე არავინ დავობს, რადგან დათოსა და სტომატოლოგ ნათიას შორის არცთუ უმნიშვნელო სასიყვარულო ურთიერთობაა გაჩაღებული, იდეალური მეოჯახის ურყევი იმიჯი კი კვირიდან კვირამდე ინგრევა.

აღშფოთებული მაყურებელი აქტიურად განიხილავს სერიალის გმირების ჩახლართულ სასიყვარულო ისტორიას და არც უარყოფით რეპლიკებს იშურებს რაჟისორის, სცენარისტისა და "ოჯახის დამანგრეველად" მონათლულ სტომატოლოგ ნათიას მიმართ. შეგახსენებთ, რომ საბედისწერო ქალის როლს მსახიობი ნინო მუმლაძე ასრულებს.

საქმე კი იმაზე შორს წავიდა, ვიდრე მოველოდით, რადგან სოციალურ ქსელში უკვე შეიქმნა საპროტესტო გვერდი, რომელიც დათოს გმირს ოჯახში დაბრუნებისაკენ მოუწოდებს. ის უკვე უამრავმა ადამიანმა მოიწონა და მხარდამჭერი კომენტარიც დაურთო, რის საპასუხოდაც, სერიალის სცენარისტმა ქეთი დევდარიანმა განაცხადა, რომ თუკი გვერდის ხელმომწერთა რიცხვი 250 000 ადამიანს გადააჭარბებს, სცენარს შეცვლის.

ჩვენ ისღა დაგვრჩენია, დავაკვირდეთ მოვლენების განვითარებას და ვნახოთ, შეძლებს თუ არა აღშფოთებული მაყურებელი დათოსა და ნინას ოჯახის გადარჩენას.
































ტექსტის სანახავად გაიარეთ რეგისტრაცია.