ხუთი წლის განმავლობაში, ჯაბა ბოჯგუა კომაშია ჩავარდნილი. ექიმები მის მდგომარეობას უიმედოდ თვლიან. მომღერალს ტვინი აქვს გათიშული და საწოლს არის მიჯაჭვული.
ქალბატონი მანანა 80 წლის დედასთან და შვილთან ერთად ნაქირავებ ბინაში ცხოვრობს, იგი უმუშევარია და ძალიან უჭირს, ოჯახი მხოლოდ უფლის იმედად არის დარჩენილი. ამ ხნის მანძილზე ჯაბა მხოლოდ სითხის სახით ღებულობს საკვებს და ძალიან არის დასუსტებული და გამხდარი. დედა ცდილობს, რომ არაფერი მოაკლოს, მაგრამ მერწმუნეთ ეს მისთვის ძალიან რთულია. მას მხარში მეზობლები და მეგობრები უდგანან და ასე გააქვთ თავი.
ექიმების თქმით ჯაბას მდგომარეობა უიმედოა და ასეთ მდგომარეობაში მყოფი ადამიანები დიდხანს ვერ ცოცხლობენ, მაგრამ ქალბატონ მანანას ღმერთის იმედი აქვს და სწამს, რომ ყველაფერი კარგად იქნება. ერთადერთი სურვილია დედის, რომ შვილმა შეხედოს და დაელაპარაკოს. ჯაბას დედის თქმით იგი ახლა უფრო რეაგირებს გარემო ფაქტორებზე და ხმაურზე, მაგრამ სამწუხაროდ ჯერ კონტაქტში ვერ შედის.
ბინის ქირას მათ გლდანის გამგებელი უხდის, ხოლო წამლის ფულს დეპუტატი ხაჩირიშვილი ურიცხავდათ ხოლმე. ქალბატონ მანანას ახალი მთავრობისთვის ჯერ არ მიუმართავს, რათა მათგან დახმარება ითხოვოს. შესაძლებელია ოჯახი ქუჩაში აღმოჩნდეს, თუკი ბინის პატრონი მათ ბინის დაცლას მოსთხოვს და კომაში ჩავარდნილი ადამიანისთვის კი ბინის მიქირავება ბევრს არ სურს-ასე აღნიშნა ქალბატონმა მანანამ ჟურნალ "რეიტინგისთვის" მიცემულ ინტერვიუში.
ჯაბას დედას იმედი აქვს, რომ მისი შვილი კარგად გახდება.
ვუსურვოთ ჯაბას გამოჯამრთელება და ფეხზე დადგომა!
წყარო