მარწყვის უნაზესი დესერტი

მარწყვის სეზონი დაიწყო და დიასახლისებს მასთან ასოცირებული სხვადასხვა რეცეპტი მოსდით თავში. ჩვენ გთავაზობთ ძალიან მარტივად მოსამზადებელ დესერტს ამ კენკრისგან.

4 პორციისთვის დაგჭირდებათ:

250 გრ ნაღები (33-35%-იანი)

3 სუფრის კოვზი შაქრის პუდრა

400 გრ მარწყვი

50 გრ ორცხობილა ("პეჩენია")

ვანილი

მომზადების წესი:

1. ნაწილი მარწყვი მოათავსეთ პატარა ქვაბში, დაუმატეთ ერთი ს/კ წყალი და დადგით დაბალ ცეცხლზე. როცა ნაყოფი დარბილდება, დაუმატეთ ვანილი და ნახევარი ჭიქა წინასწარ მომზადებული შაქრის სიროფი. 10 წუთი ისევ ხარშეთ დაბალ ცეცხლზე;

2. ახლა გადმოდგით, გააგრილეთ და დააბლენდერეთ. თუ პიურე ძალიან თხელი გამოგივიდათ, ცოტა ხნით ისევ დადგით დაბალ ცეცხლზე, შესქელებამდე.

3. ნაღები ათქვიფეთ შაქრის პუდრასთან ერთად. ორცხობილა დატეხეთ.

4. აიღეთ გამჭვირვალე ჭიქები, ჩაასხით შიგ ცოტა ათქვეფილი ნაღები, შემდეგ დაამატეთ დატეხილი ორცხობილა და მარწვის პიურე. ამ მიმდევრობით გააგრძელეთ ფენების დაწყობა, სანამ ჭიქა ბოლომდე არ აივსება.

5. დესერტი ზემოდან ცოცხალი მარწყვებით მორთეთ და ისე მიიტანეთ სუფრასთან.