მიჩიგანის შტატის მეცნიერებმა გადაწყვიტეს, დაედგინათ, რატომ უყვართ ასე ძალიან ქალებს ტკბილეული. ექსპერიმენტის ჩატარებისას მათ გაარკვიეს: თურმე, ასეთებად გავუჩენივართ ჩვენ, ქალები დედაბუნებას!
ცდები ვირთაგვებზე ჩაატარეს, რისთვისაც ორივე სქესის 60 არსება შეარჩიეს. დიდი ხნის განმავლობაში მათ ორი სახეობის აბს აძლევდნენ: მკვებავს და ვანილის შემცველს. დედალმა ვირთხებმა ტკბილი აბების გამორჩევა და მათი 6-ჯერ აქტიურად ჭამა დაიწყეს, ვიდრე მამრებმა. მონაცემების ადამიანებზე გადატანის შემდეგ სპეციალისტებმა დაადგინეს, რომ ქალებს ტკბილეული მამაკაცებზე 10-ჯერ მეტად იზიდავს.
აღმოჩნდა, რომ ბუნებამ ქალებში ისეთი მექანიზმი ჩადო, რომელიც ამ ლტოლვის პროცესს განაგებს. საქმე ისაა, რომ ქალის ტვინი მეტად მგრძნობიარეა ისეთი საკვების მიმართ, რომელიც ცხიმებსა და შაქარს შეიცავს. ამიტომაც არის, რომ ყველაზე მეტად ჩვენ, ქალებს გვიჭირს, უარი ვთქვათ ცომეულსა და ტკბილეულზე.
×