რაზე ფანტაზიორობენ მამაკაცები და ღირს თუ არა მათი ფანტაზიების განხორციელება? ვნახოთ მამაკაცის ფანტაზიების რეიტინგი და შემდეგ განვსაჯოთ. მაშ ასე:
მე-5 ადგილი
აქ სხვადასხვა სექსუალური ფანტაზიაა შესული. ქალებისგან განსხვავებით, ისინი უფრო მიწიერია. ანჯელინა ჯოლისთან სექსზე არავინ ოცნებობს. მამაკაცის ფანტაზიებში მიუწვდომელი ქალები კი არიან, მაგრამ ისინი ახლოს უნდა იმყოფებოდნენ. თანაკლასელები, კოლეგები სამსახურში, ცოლის დაქალები – აი, ვისზე ფანტაზიორობენ კაცები.
ბევრი მამაკაცი ოცნებობს იმ სექსუალურ პოზიციაზე, რომელსაც ვერ ახორციელებს საკუთარ ცოლთან, პარტნიორ ქალთან. აღსანიშნავია, რომ სანთლები, მაქმანიანი თეთრეული და შამპანური მამაკაცის ფანტაზიებში არ შეინიშნება. ერთდროულად რამდენიმე ქალთან სექსი – ეს იმ ფანტაზიის ნაწილია, სადაც კიდევ უამრავი გარყვნილება იმალება.
რეალიზაცია. ამ ფანტაზიის რეალიზაცია მამაკაცებს მივანდოთ. ხოლო თქვენ, ქალბატონებო, ხშირად გაიხედ-გამოიხედეთ, ვინმეს ფანტაზიის ნაყოფი არ აღმოჩნდეთ!
მე-4 ადგილი
ეს ფანტაზია, ძირითადად, უფროსი ასაკის მამაკაცებს აქვთ. "ამ ტვინით ოცი წლის წინ დამაბრუნა..." შემდეგ მოდის ასეთი ვარიანტები: ვიყო მდიდარი, უცოლო, მეცხოვრა შტატებში, პრეზიდენტი გავმხდარიყავი... და ამაზე ვიღაც ხელმოცარულები კი არა, სოლიდური და შემდგარი მამაკაცები ოცნებობენ.
რეალიზაცია. ჩააბაროთ ფიზიკა-მათემატიკურზე, დაამთავროთ, დაიცვათ დისერტაცია, შემდეგ სადოქტორო, გახდეთ მეცნიერებათა აკადემიის წევრი, გამოიგონოთ დროის მანქანა. და თუ ამ დროისთვის თქვენი მამაკაცი კიდევ ამქვეყნად იქნება, განუხორციელეთ მას ეს ოცნება.
მე-3 ადგილი
ეს ფანტაზია ავტომობილებს უკავშირდება. მანქანა – ეს არა მხოლოდ გადაადგილების საშუალებაა მამაკაცისთვის, ის მისთვის მეგობარიცაა, თაყვანისცემის ობიექტიც და სულიერი არსებაც. მამაკაცები ხშირად წარმოიდგენენ ხოლმე თავს ბოლო მოდელის სხვადასხა ავტომობილის საჭესთან.
რეალიზაცია. ძალიან ნუ ეცდებით, განახორციელებინოთ თქვენს მამაკაცს ეს ოცნება. შეიძლება, მას მერე, რაც ოცნების ავტომობილის საჭეს მოუჯდება, კიდევ ერთი ცვლილების განხორციელება მოუნდეს – მაგალითად, მეუღლის.
მე-2 ადგილი
აქ განვათავსეთ მამაკაცის ფანტაზია, სახელწოდებით "მე - მსოფლიოს მბრძანებელი!" ვიღაცას სურს, რომ ღმერთი იყოს ოჯახში, ვიღაცა კი ოცნებებში მსოფლიო მასშტაბებს სწვდება.
რეალიზაცია. დაფიქრდით, გჭირდებათ ამ ფანტაზიის განხორციელება?
პირველი ადგილი
რა თქმა უნდა, აქ ფანტაზია ქალს ეხება! ლამაზი, ჭკვიანი, თვით სინაზის განსახიერება, მოკრძალებული ხალხში და დაუდგრომელი ლოგინში, საუკეთესო დიასახლისი... ერთი სიტყვით, ოცნების ქალი, რომლისთვისაც მამაკაცი ყველაფრისთვის მზად იქნება.
×