როგორც ჩანს, ჰიტლერს არცერთი ეს სურათი არ უნახავს. მას განსაკუთრებით ის ფოტო გააღიზიანებდა, რომელშიც ევა ჯოლსონის მსგავსადაა გამოწყობილი. ეს ფოტო გადაღებულია 1937 წელს, მაშინ, როცა იგი განმარტოებით ცხოვრობდა ჰიტლერის ბერხტესგადენის რეზიდენციაში. ევასათვის განმარტოებით ცხოვრება მოსაწყენი იყო და ამიტომ დასთან ერთად მასკარადების მოწყობით ერთობოდა. სწორედ ამ წელს ნაცისტური ანტისემიტური კამპანია ახალ ძალებს იკრებდა, ხოლო გერმანიის ქალაქებში, სადაც შავკანიანებს ადამიანებად არ მიიჩნევდნენ, რასისტული შოუ “Afrika Schau”, გასტროლებს მართავდა.
ჯოლსონი, რომლის ნამდვილი სახელია ასა იოელსონი, ლიტვაში, ებრაელთა ოჯახში დაიბადა. ამერიკასა და ევროპაში მისი ნომერი განსაკუთრებული პოპულარობით სარგებლობდა: ჯოლსონი სახეს შავი გრიმით იფარავდა და საესტრადო სიმღერებს ნეგრიტანულ სტილში ასრულებდა. მეორე მსოფლიო ომის დროს იგი ფრონტზე წავიდა და კონცერტებს ამერიკელ ჯარისკაცებს უმართავდა. მაგრამ ჯერ კიდევ კონფლიქტის დაწყებამდე ნაცისტმა ლიდერებმა, მათ შორის, ჯოზეფ გებელსმა, ერთხმად გადაწყვიტეს, რომ გერმანულ პოპ-კულტურაში მისი ადგილი არ იყო.
ნაცისტურ გერმანიაში დაახლოებით 25000 შავკანიანი ცხოვრობდა, რომელთა უმეტესი ნაწილი მულატები იყვნენ. ისინი ოკუპირებულ ტერიტორიაზე საფრანგეთის კოლონიალურ ჯარში მყოფი აფრიკელებისა და გერმანელების ურთიერთობის შედეგად იყვნენ დაბადებულები. ნაცისტების წინაშე ისინი ”რეინელ ნაძირლებად” მონათლეს და უმეტეს მათგანს ასტერილებდნენ ”გერმანული ნაციის რასობრივი სისუფთავის” დაცვის მიზნით. ხოლო ჰიტლერის ცენზურამ გასცა ბრძანება, რომ თეატრში ან ეკრანზე შავკანიანები არ უნდა გამოჩენილიყვნენ. 1940 წელს “Afrika Schau” საბჭოთა კავშირმა თავისი მფარველობის ქვეშ მოაქცია და ამით არიულ რასებს პროპაგანდა გაუწია.
შეიძლება ბრაუნმა ეს ყველაფერი არ იცოდა ან ნაცისტური ტაბუ მისთვის არაფერს არ ნიშნავდა. სურათზე მისი ხელით მიწერილი სიტყვები მარტივად იკითხება :”მე, ელა ჯოლსონის მსგავსად”.
ფოტოები გადაღებული იყო ამერიკის დაზვერვის სამსახურის თანამშრომლების მიერ ჰიტლერის მთის რეზიდენციაში. ”ჩვენთან ეს ფოტოები სამხედრო პირებისაგან მოხვდა” - განმარტა ამერიკის ნაციონალური არქივის ფოტომასალის დეპარტამენტის ხელმძღვანელმა ედუარდ მაკკარტერმა. სურათები არქივში 1947 წლიდან ინახება და მათი ნახვა ძირითადად მეცნიერებს შეუძლიათ.
ზოგიერთმა ფოტომ, მაგალითად, ის, რომელშიც სანაპიროზე მყოფი ევა ”ხიდს” აკეთებს, დროთა განმავლობაში დიდი პოპულარობა მოიპოვა. თუმცა ”ჯოლსონისებური” სურათის მსგავსად ეს ფოტოც მრავალი ისტორიკოსისთვის გამაოგნებელი აღმოჩნდა. ამ სურათმა მათში დაბადა კითხვები: კიდევ რას აკეთებდა ევა, როცა ჰიტლერი მოგზაურობდა და ომს გეგმავდა?
ევა ბრაუნის და ადოლფ ჰიტლერის მცირე ბიოგრაფია:
ევა ბრაუნი 1912 წელს დაიბადა, ხოლო ადოლფ ჰიტლერი, რომლის ნამდვილი გვარია შიკლგრუბერი _ 1889 წლის 20 აპრილს. 1929 წელს ჰიტლერმა და ბრაუნმა ერთმანეთი გაიცნეს, როცა ევა ჰენრი ჰოფმანის ფოტოატელიეში, ფიურერის პირად ფოტოგრაფად მუშაობდა.
ჰელი რაუბარის, ადოლფის შორეული ნათესავისა და მისი საყვარლის, თვითმკვლელობის შემდეგ, ბრაუნი ჰიტლერის საყვარელი გახდა. ჰიტლერმა მას უყიდა პატარა სახლი მიუნხენში, ხოლო 1936 წელს გადაიყვანა ბერგჰოფში - ბავარიის ალპებში მდებარე საკუთარ რეზიდენციაში.
მიუხედავად იმისა, რომ ბრაუნს ჰიტლერი უყვარდა, იგი იშვიათად ჩნდებოდა მასთან ერთად საზოგადოებაში ან მხოლოდ მაღალი რანგის ადამიანების წინაშე წარადგენდა ხოლმე. ევა ძირითად დროს ატარებდა ცურვაში, მაღაზიებში სიარულსა და საკუთარ გარეგნობაზე ზრუნვაში.
როდესაც დასავლელი მოკავშირეები მიუახლოვდნენ ბავარიას, ბრაუნი გადავიდა ჰიტლერის ბერლინის ბუნკერში. 1945 წლის 29 აპრილის ღამეს ისინი დაქორწინდნენ. იმპროვიზირებული საქორწინო ცერემონიის მოწმეები ჯოზეფ გებელსი და მარტინ ბორმანი იყვნენ.
36 საათის შემდეგ, როცა საბჭოთა ჯარები რამდენიმე ასეული მეტრის სიახლოვეს იყვნენ უკვე რეიხის კანცელარიასთან, მათ თავი მოიკლეს: ევამ წამალი მიიღო, ხოლო ჰიტლერმა იარაღით მოიკლა თავი. გერმანელმა სამხედროებმა მათი გვამები დაწვეს ბუნკერის ახლოს მდებარე ბაღში.
სხვადასხვა წყაროებზე დაყრდნობით მოამზადა ნათია ჯაყელმა
წყარო