ცნობილი მწერლის, აგათა კრისტის რომანი „როჯერ ეკროიდის მკვლელობა“, რომელიც პირველად 1926 წელს გამოიცა, ყველა დროის საუკეთესო დეტექტივად აღიარეს. ასეთია იმ გამოკითხვის შედეგი, რომელიც ბრიტანეთის კრიმინალური ჟანრის მწერალთა ასოციაციამ ჩაატარა. გამოკითხვაში მონაწილეობა დეტექტიური ჟანრის 600-მა მწერალმა მიიღო.
თავად აგათა კრისტის, დეტექტიური ჟანრის საუკეთესო მწერლის ტიტული მიენიჭა, ხოლო დეტექტიურ ნაწარმოებთა საუკეთესო სერიად, არტურ კონან დოილის „შერლოკ ჰოლმსი“ აღიარეს.
„როჯერ ეკროიდის მკვლელობა“ – აგათას რიგით მეშვიდე რომანია. მისი მთავარი გმირი ცნობილი გამომძიებელი ერკიულ პუაროა. ამ რომანში კრისტიმ იმ დროს ნოვატორული პრინციპი გამოიყენა – ნაწარმოებში მკვლელი ის გმირია, ვისი სახელითაც თხრობა მიმდინარეობს.
რომანი გამოსვლისთანავე კრიტიკის ქარცეცხლში მოყვა. კოლეგები აგათას ჟანრის კანონების დარღვევაში სდებდნენ ბრალს, ახლა კი ეს რომანი ყველა დროის საუკეთესო დეტექტიურ ნაწარმოებად აღიარეს.
წყარო: lollipop.ge
აგათა კრისტის „როჯერ ეკროიდის მკვლელობა“, ყველა დროის საუკეთესო დეტექტივად აღიარეს
⏱️ 1 წთ.
👁️ 1 759
100%