იგი ცნობილი პიროვნება იყო და ამიტომ დაუბრკოლებლად გაატარეს სასახლეში. მან იმპერატორ ტიბერიუსს საჩუქრად კვერცხი გაუწოდა და ახარა: „ქრისტე აღსდგა“. იმპერატორმა ქალს ეჭვით შეხედა და წამოიძახა: „როგორ შეეძლო მკვდარს აღმდგარიყო?! ეს ისევე დაუჯერებელია, როგორც ის, რომ ახლა ეს კვერცხი გაწითლდესო“. სიტყვები ჯერ არ ჰქონდა დამთავრებული, რომ კვერცხი მართლაც გაწითლდა. ამ დღიდან მოყოლებული ქრისტიანები წითელი კვერცხებით ეგებებიან აღდგომის ბრწყინვალე დღესასწაულს.
გერმანია
გერმანიაში აღდგომის წინა დღეები (პარასკევი და შაბათი) უქმეა. შაბათს საღამოს ინთება დიდი სააღდგომო კოცონი, როგორც ზამთრის დასასრულისა და ყველა ცუდი გრძნობების ცეცხლისთვის მიცემის სიმბოლო. მთავარი სააღდგომო პერსონაჟი გერმანიაში არის კურდღელი, რომელსაც ტრადიციის თანახმად მოაქვს სახლში შეღებილი კვერცხები.
მშობლები აღდგომის წინა ღამეს სააღდგომო კვერცხებითა და ტკბილეულითა და საჩუქრებით სავსე კალათებს მალავენ. დილით, კი საუზმის შემდეგ ბავშვებისთვის ყველაზე სასიამოვნო ჟამი დგება, როცა ისინი კალათების ძებნას მიეცემიან.
პოლონეთი
პოლონელები აღდგომას აუცილებლად მშობლების სახლში, ოჯახურ გარემოცვაში ზეიმობენ. სააღდგომო სუფრაზე აუცილებლად ნახავთ პირშუშხას. ეს არის თითქოსდა შეხსენება იესოს ტკივილების შესახებ, რომელსაც მიირთმევენ პოლონურ ტრადიციულ კერძთან „ბიგისო“–სთან ერთად. რაღა თქმა უნდა სუფრის ატრიბუტად პასკაცაა, რომელსაც „ბაბკა“–ს უწოდებენ და ასევეა სააღგომო ნამცხვარი „მაზურკა“, რომელიც ცუკატებითაა მორთული. აქვე გეტყვით, რომ ტადიციისამებრ, პოლონელები აღდგომის მეორე დღეს ერთიმეორეს წყალს ასხავენ.
ჩეხეთი
ჩეხეთში სააღდგომო სეირნობისას, ახალგაზრდა გოგონებს ბზის ტოტებით „ცემა“ ემუქრებათ! რაღა თქმა უნდა ცემა პირობითად, ეს მხოლოდ ტრადიციული თამაშია და ცემაც მხოლოდ სიმბოლურია. ტრადიციის თანახმად ითვლება, რომ ამის შემდეგ ახალგაზრდა ქალი ლამაზდება და ხდება ბევრად უფრო მომხიბვლელი, ვიდრე აქამდე იყო.
ბულგარეთი
ბულგარელების ტრადიციის მიხედვით, სააღდგომო სუფრას აუცილებლად დიდი სააღდგომო პური უნდა ამშვენებდეს, რომელიც ირგვლივ შეღებილი კვერცხებითაა დეკორირებული. რა თქმა უნდა, სხვა ქვეყნების მსგავსად, კვერცხის „ჩარტყმის“ ტრადიცია ამ ქვეყანასაც აქვს.
შვედეთი
შვედეთის მცხოვრებნი სააღდგომოდ სახლებს რთავენ ყვითელი, მწვანე და თეთრი შეფერილობის ყვავილების თაიგულებით.ასევეა ტრადიცია პატარა, ყვითელი წიწილების ფერადი ბუმბულებით მორთვისა, ან მათივე შეღებვისა, რასაც ნებისმიერ სახლში იხილავთ სააღდგომოდ. რაც შეეხება სააღდგომო კვერცხებს, მათ შვედები მუყაოსაგან ამზადებენ და შიგ დიდსა და მომხიბვლელ კანფეტებს ანთავსებენ.
ისლანდია
ისლანდიელები ტრადიაციათა დიდი მიმდვრები არიან. ყველაზე ტრადიციული სააღდგომო საჩუქარი ისლანდიაში, კი შეღებელი კვერცხებია, რომლებსაც ალამაზებს პატარა ყვითელი წიწილა. წიწილა სიმბოლოა განახლებული, ახალი ცხოვრებისა. სასაჩუქრე კვერცხს ერთვის მისალოცი ბარათი, რომელსაც აუცილებლად სპეციალურად შერჩეული, ფრთიანი ფრაზა ერთვის. ფრაზა შესაძლოა სამხიარულო, ან ცხოვრებაზე დასაფიქრებელიც იყოს.
ინგლისი
ინგლისში განსაკუთრებული საზეიმო განწყობით აღდგომის დღესასწაულს ზეიმობენ ბავშვები, რომლებსაც ამ დროს წილად ხვდებათ 2 კვირიანი არდადეგები. სკოლებში და საბავშვო ბაღებში აღდგომისთვის მომზადება იწყება დიდი ხნით ადრე. ბავშვები აფერადებნ სააღდგომო კვერცხებს, რთავენ მათ ბისერებით, გოფრირებული ფერადი ქაღალდებით, ან აბრეშუმით. ყოველი კვერცხი წარმოადგენს ნამდვილად ხელოვნების ნიმუშს, რომელსაც ბავშვები საჩუქრად უმზადებენ მშობლებს.
სააღდგომოდ ყველა საკონდიტროები და შოკოლადის ფაბრიკები ამზადებენ უზარმაზარი ასორტიმენტის შოკოლადის კვერცხებს. აღდგომა ინგლისში – შოკოლადის დღესასწაულია!
შინ, კი სააღდგომოდ ამზადებენ სააღდგომო პუდინგსა და ღვეზელს. ასევე ყველა ოჯახში ცხვება საფუარზე მომზადებული სააღდგომო ფუნთუშები ცუკატებით. ფუნთუშაზე კი აუცილებალად გამოსახავენ ჯვარს.
ავსტრალია
ავსტრალიაში ძალზედ პოპულარულია შოკოლადისა და შაქრის სააღდგომო კვერცხები. ასევე დიდი პოპულარობით სარგებლობს შოკოლადის ბაჭიები – „biby“. ავსტრალიელების სააღდგომო სადღესასწაულო მენიუ შედგება შემწვარი ცხვრის, ძროხის ან ქათმის ხორცისგან, რომელთაც გარნირად ბოსტნეული ახლავთ. დესერტზე კი ტრადიციული ავსტრალიული ნუგბარი – ბეზეს ტორტი, რომელიც მარწყვით, ანანასით და მანდარინითაა მორთული. ავსტრალიელები ტრადიციულად ტკბილ ფუნთუშებს მიირთმევენ სააღდგომო დილას ეკლესიაში წასვლამდე.
ამერიკა
ამერიკაში სააღდგომოდ ძალზე პოპულარულია კვერცხების გორაობა დაქანებულ გაზონზე. ბავშვები ერთმანეთს ეჯიბრებიან ვინ გააგორებს საკუთარ კვერცხს ყველაზე შორს და შეფერხებების გარეშე. აღდგომის დღეს ბავშვები ადრეული დილიდანვე ღებულობენ ფერადი კვერცხებით და კანფეტებით სავსე კალათებს „სააღდგომო კურდღლისგან“.
ტრადიციული ამერიკული სააღდგომო სადილია: ლორი ანანასით, კარტოფილი, ბოსტნეულისა და ხილის სალათი.
იტალია
სააღდგომოდ, ტემპერამენტიანი იტალიელები განსაკუთრებული მოწიწებით ეპყრობიან სახლის სისუფთავეს. ისინი ფანჯრებიდან ყრიან ყველა ძველმანს (როგორც ახალ წელს). აღდგომის დღეს კი იშლება ხვავიანი სადღესასწაულო სუფრა, რომელსაც აუცილებლად ამშვენებს სააღდგომო ღვეზელი „კოლომბა“ რომელსაც აქვს მტრედის ფორმა და ცხვება ხაჭოიანი პიცა.
წყარო: oxun.ge