სტიგმატები - ბოროტების თუ სიკეთის ნიშანი?

ალბათ, ბევრმა არ იცის რას ნიშნავს სიტყვა სტიგმატი. <<Stigmatos>> ბერძნული სიტყვაა და ნიშნავს _ნიშანს, ჭრილობას, წყლულს. სტიგმატები ჩნდება სხეულის იმ ნაწილებზე, სადაც ჭრილობები ჰქონდა ჯვარცმულ იესოს. (ხელის გულებსა და ფეხებზე, როგორც ლურსმნის ნაკვალევი; შუბლზე, რომელიც გვახსენებს ეკლიანი გვირგვინისგან გაჩენილ ნაკაწრებს; სისხლიანი ჭრილობები ასევე შეიძლება გაჩნდეს ზურგზე, რომლებიც გაშოლტვისგან დარჩენილ შრამებს მოგვაგონებს.)



უკვე 800 წელია ზოგიერთი ქრისტიანის სხეულზე (ძირითადად კათოლიკეების) ჩნდება სტიგმატები, ნიშნები ქრისტეს განცდებისა. ჩნდება კითხვა: ვინ იყო პირველი სტიგმატი? ცხადია, თავად პავლე მოციქული. წერილში, რომელიც მან გალათეალებს მისწერა წერდა: ,,მე ვატარებ იესოს წყლულებს ჩემს სხეულზე". რა თქმა უნდა, ეს შეიძლება გავიგოთ სიტყვასიტყვით ან მეტაფორულად.

სტიგმატები უჩნდებოდა ასობით ადამიანს. ექიმებმა და მღვდლებმა გამოკვლევების შემდეგ აღმოაჩინეს, რომ ბევრი მათგანი უბრალოდ ცრუობდა. თუმცა იმასაც ვერ უარვყოფთ, რომ ზოგიერთ მორწმუნესა და არამორწმუნეს ნამდვილად გაუჩნდათ სტიგმატები.

1918 წელს 20 წლის ტერეზა ნეიმანმა, ბავარიიდან, ხანძრის დროს მიიღო ტრამვა, რის გამოც ლოგინად ჩავარდა. 1925 წელს მას დაეწყო ხილვები. განაცხადა, რომ ზეთისხილის მთაზე იხილა იესო ქრისტე სამ მოციქულთან ერთად, აღდგომის კვირას კი_იესოს მკვდრეთით აღდგომა. შემდეგ წლებში ყოველ პარასკევს ის ამბობდა, რომ იესოს ვნებანს საკუთარ თავზე განიცდიდა. გრძნობდა იმ ტკივილს, რაც მესიამ გადაიტანა. ზოგჯერ გოგონა სისხლიანი ცრემლებითაც ტიროდა. ტერეზა გარდაიცვალა 1962 წელს.





10 წლის კლორეტა რობერტსონს კალიფორნიიდან სტიგმატები გაუჩნდა 1972 წელს, ქრისტეს შესახებ ფილმის ყურების შემდეგ. კლორეტა არ იყო მორწმუნე, აქედან შეგვიძლია დავასკვნათ, რომ სტიგმაებბი არამორწმუნეებსაც უჩნდებათ. ეს ფაქტი დაადასტურა კიდევ ერთმა ისტორიამ, რომელიც 1932 წელს ამერიკელ გოგონას ელიზაბეტს გადახდა. ელიზაბეტი გახლდათ ფსიქიატრიული კლინიკის პაციენტი. იმის შემდეგ, რაც ნახა ჯვარცმული ქრისტეს ხატი, იგრძნო ჩხვლეტა ხელებსა და ფეხებზე, რის შემდეგაც ამ ადგილებზე გაუჩნდა ჭრილობები.

მხედველობიდან არ უნდა გამოგვრჩეს იტალიელი პადრე პიო. ირკვევა, რომ მას სტიგმატები მღვდლად კურთხევის შემდეგ მალევე გაუჩნდა. მასთან ახლოს მყოფი პირები აღნიშნავენ, რომ სტიგმატების გარდა სხვა ზებუნებრივი შესაძლებლობებიც გააჩნდა: ჰქონდა განკურნების, ბილოკციის (ერთი და იმვე პირის ერთდროულად ორ სხვადასხვა ადგილას ყოფნა), წინასწარმეტყველების, სასწაულების მოხდენის, სხვისი ფიქრების წაკითხვისა და წმინდა ენებზე საუბრის ნიჭები.



მილიონობით ადამიანს სწამს, რომ სტიგმატები_ღვთის წყალობაა, მაგრამ არსებობს სხვა მოსაზრებაც. ერთ-ერთი თეოლოგიური სკოლა მიიჩნევს, რომ სტიგმა სატანური ნიშანია.

ვატიკანი, ჩვეულებრივ, ფრთხილად ეკიდება სტიგმატების გამოვლენას. თეოლოგები, სასულიერო პირები... ზოგჯერ ელოდებიან წლების გასვლას სტიგმატის გარდაცვალებიდან, რომ ის წმინდანად შერაცხონ.

სასულიერო პირები და ექიმები დეტალურად შეისწავლიან სტიგმატურ შემთხვევებს და ამის შემდეგ იღებენ გადაწყვეტილებას. კათოლიკური ეკლესია აღიარებს, რომ სტიგმატებს აქვს აუხსნელი ბუნება. თუმცა უმეტეს შემთხვევებში სტიგმატების გამოვლენის მიზეზი ადამიანის ფსიქიკაა. მართლაც ბევრ სტიგმატს აქვს აშკარა ისტერიის ნიშნები, ფსიქიკური აშლილობები, საკუთარი თავის სიძულვილი, თვითგვემისაკენ მიდრეკილება.

ერთ-ერთი იტალიელი სტიგმატი ჯორჯო ბონჯოვანი ყვება უცნაურ ისტორიას, რომელიც ერთგვარი ნაზავია კათოლიციზმისა და უფოლოგიის. ის თავის ჭრილობებს უკავშირებს უცხოპლანეტელებთან კონტაქტს.











მოგვიანებით მან მონწილეობა მიიღო რუსულ გადაცემაში ''Истина где-то рядом". გადამღები ჯგუფი ჩამოვიდა საქართველოში, რათა დაედგინათ ვინ იყო თორნიკე ჯგერნაია: წმინდანი თუ თაღლითი.





რა თქმა უნდა, შეგვიძლია ვიფიქროთ, რომ ხალხი თვითონ იზიანებს სხეულს, მაგრამ პრობლემა ისაა, რომ სტიგმატების უმრავლესობას არ ახსოვთ, როდის და რა პირობებში გაუჩნდათ ჭრილობები. ეს ართულებს მკვლევარების სამუშაოს. არსებობს მრავალი საბუთი იმისა, რომ როგორც არ უნდა უმკურნალო სტიგმატს, მას მუდამ უჩნდება სტიგმატები ერთსა და იმავე ადგილებზე. იტალიელი ექიმის მარკო მარნელის ექსპერიმენტი ლო ბიანკოზე ადასტურებს, რომ შეხორცებულ ჭრილობას აქვს გახსნის უნარი. ამასთან ყოველთვის, როცა სტიგმატები უჩნდებოდა გოგონა ვარდებოდა სტრანსში და თავის თავს ხედავდა ჯვარზე გაკრულს.

ზემოთ ნახსენები მამა პიოც ტრანსში ხედავდა თავის თავს ჯვარზე. ასევე ამერიკელმა ეტელ ჩამპენმა უგონო მდგომარეობასი იხილა საკუთარი წამების სცენა.



სტიგმატიზმი რთული ფენომენია და ხშირ შემთხვევაში ვერ აიხსნება. დროთა განმავლობაში, ალბათ, გავიგებთ ამ ფენომენის ბუნებას. ახლა კი ისღა დაგვრჩენია, გვჯეროდეს სასწაულების.

თაკო ცილიკიშვილი

წყარო: www.Lady.Mcvane.Ge

მასალის გამოყენების პირობები: აუცილებელია წყაროს მითითება!!!