სექსი მამაკაცისთვის — ეს არის აქტი, ფიზიკური მოთხოვნილება. სექსი ქალისთვის — სულისა და სხეულის მდგომარეობაა. ამიტომაა კოლოსალური განსხვავება ქალისა და კაცის სექსუალურობის განცდაში. ეს განსხვავება როგორც კაცმა, ასევე ქალმაც უნდა გაიგოს და მიიღოს. წინააღმდეგ შემთხვევაში, ამას ურთიერთობის გაფუჭება და ფსიქოლოგიური კონფლიქტი მოყვება.
მამაკაცის სექსუალური მოთხოვნები ნაკლებად კონტროლირდება გონებისა და მორალური ქცევების მიერ. მათ ადვილად შეუძლიათ განიცადონ სექსუალური აღგზნება, როგორც რეალური მასტიმულირებლებით, ასევე წარმოსახვითით, ან წარსულში მომხდარი სექსუალური აქტის გახსენებით. მრავალი ექსპერიმენტი ადასტურებს, რომ გაცილებით მეტი მამაკაცი უფრო სწრაფად ღიზიანდება, რეაგირებს რეალურ სტიმულატორზე და ხედავს ეროტიკულ სიზმრებს ეროტიკული მასალების ყურებისას, ვიდრე ქალი.
წარმოდგენით გამაღიზიანებლებსა და ეროტიკულ ჩვენებებზე ქალები უფრო ნაკლებად მგრძნობიარენი აღმოჩნდნენ და სექსუალური აღგზნებისათვის პირდაპირი და პირადი კონტაქტი იყო საჭირო. ქალი კაცზე ნაკლებადაა განწყობილი სექსუალური კონტაქტების საძებნად და მისი სექსუალური აქტიურობა, ჩვეულებისამებრ, ნაკლებად ინტენსიური და იშვიათია.
კაცი ხშირად იმ ქალის მიმართაც კი აღიგზნება, რომელთანაც საერთოდ არა აქვს არავითარი ურთიერთობა. ქალმა, თუ კაცთან ემოციური კონტაქტი არა აქვს კვირების, თვეებისა და წლების მანძილზეც კი შეიძლება არ იგრძნოს სექსუალური აღგზნება. მისი სულიერი განვითარება ახშობს სექსუალურ ლტოლვას, მაგრამ მის სექსუალურობას უფრო რთულ ხასიათს ანიჭებს, ამიტომ მისთვის უფრო ძნელია სექსში სიამოვნების მიღწევა. როცა კაცების განსაკუთრებული აღგზნებადობა მოზარდობის ასაკში სექსის აუცილებლობას იწვევს, მაშინ გოგონებს, იმავე ასაკში, მხოლოდ ალერსის მოთხოვნილება უჩნდებათ.
იმის მიუხედავად, რომ ხშირ შემთხვევაში ქალის სექსუალური გატაცება ნაკლებად ინტენსიურია,ის უფრო ღრმაა და უკავშირდება სულიერ ინტიმს. როცა ის თავის სხეულს უთმობს მამაკაცს, სინამდვილეში უფრო მეტს სთავაზობს, ვიდრე უბრალოდ სიამოვნების მინიჭებაა. ამიტომ, ურთიერთობა კრახით მთავრდება, როცა მის გვერდით მყოფი მამაკაცი ვერ იგებს, რომ პარტნიორი სულიერ კავშირს ეძებს, არ აფასებს ამას და უარით პასუხობს. ქალი ამას იმიტომ ვერ პატიობს, რომ ეს მის ქალურ ბუნებას ეწინააღმდეგება.
წყარო: life.mediamall.ge
ინტიმური ცხოვრება ქალისა და მამაკაცისათვის
⏱️ 1 წთ.
👁️ 4 918
100%