ორმა ჰოლანდიურმა კომპანიამ („მდინარის ყვავილები“ და „ზენდბერჯენი“) სხვადასხვა ფერის ფურცლიანი ვარდების გამოყვანაზე მუშაობა 2004 წელს დაიწყო.
ვარდი სხვადასხვა ფერის ფურცლებით მანამდეც გამოუყვანიათ, მაგრამ ჰოლანდიელთა ექსპერიმენტების შედეგად მიღებული ვარდი იმითაა გამორჩეული, რომ მისი ფურცლების ფერი ცისარტყელას ფერების მიმდევრობითაა შეფერილი.
რადგანაც ვარდის ფურცლები ფესვიდან იკვებება, ექსპერიმენტის იდეაც შესაბამისად ჩამოყალიბდა: ძირი საჭირო რაოდენობის ნაწილებად გაიყო და სხვადასხვა ფერის წყალში სათითაოდ ჩაიდო. ამგვარად, სხვადასხვა ფერის საფუძველმა, ფურცლებიც სხვადასხვა ფერად შეღება.
ამ მეთოდის გამოყენება სხვა ყვავილებზეც შეიძლება, განსაკუთრებით, თუ საქმე ქრიზანთემასა და ჰორტენზიას ეხება. ყველაზე მნიშვნელოვანი კი ისაა, რომ მსგავსი ექსპერიმენტის ჩატარება და ყვავილების სხვადასხვა ფერად შეღებვა სახლის პირობებშიც შესაძლებელია.
წყარო: friday.ge