ირანი
ირანში ახალ წელს 21 მარტს ხვდებიან. ირანელები ახალ წლამდე რამდენიმე კვირით ადრე პატარა ქოთნებში ხორბლის მარცვლებს თესავენ. ისინი ახალი წლისთვის აღმოცენდებიან ხოლმე, რაც სიმბოლურად გაზაფხულისა და ახალი წლის დაწყებას გამოხატავს.
ავღანეთი
ავღანეთში ახალ წელს, ისევე, როგორც ირანში, გაზაფხულის ბუნიაობის დღეს - 21 მარტს ზეიმობენ. სოფლის თავკაცი მინდორში გადის და პირველ კვალს ავლებს. მას ყველაზე პატივსაცემი თანასოფლელები მიჰყვებიან. სპირტიანი სასმელების გამოყენება კანონითაა აკრძალული, ამიტომ ღვინოს ტკბილეულით ცვლიან. ტრადიციულად, ქალები მამაკაცებისგან განცალკევებით იკრიბებიან. თავიანთი თავშეყრის ადგილის წინ ისინი, ჩვეულებრივ, გუშაგ გოგონას აყენებენ.
ინდონეზია
ინდონეზიაში ახალ წელს ძალზე უჩვეულოდ აღნიშნავენ. მაგალითად, კუნძულ ბალიზე დღესასწაული ათი დღის განმავლობაში გრძელდება. ამ დღეებში აღმართავენ ხოლმე შეღებილი ბრინჯის ორმეტრიან კოლონებს, რომლებიც ღმერთებისთვის არის განკუთვნილი. ზეიმის დამთავრების შემდეგ კოლონებს შლიან და სახლებში მიაქვთ.
ანგოლა
ანგოლის მცხოვრებლები ყოველწლიურად აწყობენ "ობისას" ტრადიციულ ზეიმს, რაც ეძვნება ახალი წლის შეხვედრას, წინაპართა ხსოვნას. ზეიმის დროს ტარდება უსიამოვნებებისა და გასული წლის მანძილზე დაშვებული შეცდომებისა და უღირსი საქციელისგან „განწმენდის“ რიტუალი. დიდი და პატარა მთელი კვირის განმავლობაში თავდავიწყებით ცეკვავს `წმინდა დაფდაფების თანხლებით. რიტუალურ სიმღერებში გაისმის მოწოდება წინაპართა სულებისადმი, რათა ისინი დაეხმარონ მათ შთამომავლებს. ისჯებიან ისინი, რომლებიც შემჩნეული იყვნენ ზნეობრივ ნორმათა დარღვევაში.
ნაურუ
კუნძულ ნაურუს ბინადრები, ძველი რწმენის თანახმად, ყოველ წელს იცვლიან სახელს. ამას იმიტომ აკეთებენ, რომ უწმინდურ ძალებს აუბნიონ თავგზა. ყველაფერი კი ასე ხდება: პირველ იანვარს, გაღვიძებისას, ოჯახის წევრები პირს ხელისგულით იფარავენ და ერთმანეთს თავიანთ ახალ სახელს უმხელენ. ამასთან, რომელიმე მათგანი დაირას აჟღერებს, რათა ბოროტმა სულმა ვერაფერი მოისმინოს. თუკი ორი თანატომელი ერთმანეთს გზაზე ხვდება, ორივე ჩაიცუცქებს და ერთმანეთს ყურში ჩასჩურჩულებენ თავიანთ სახელს, თანაც ამ დროს, `მეტი უსაფრთხოებისთვის~, მთელი ძალით უშენენ ჯოხს ან ხელისგულს მიწას. ყველა თვითონ ირჩევს თავის სახელს, რის შედეგადაც ხშირად ხდება სხვადასხვა კაზუსი. ასე, მაგალითად, რომელიღაც წელს ერთი სოფლის მცხოვრებთა ნახევარზე მეტს... მაიკლ ჯეკსონი ერქვა!
წყარო: newposts.ge
5 ქვეყანა, სადაც ყველაზე უცნაურად აღნიშნავენ ახალ წელს
⏱️ 1 წთ.
👁️ 1 802
100%