„ლამაზმანის“ ჰეპი-ენდით დასრულება არ იგეგმებოდა



ფილმ „ლამაზმანის“ (Pretty Woman) გადაღებიდან წელს 25 წელი სრულდება. ამ თარიღთან დაკავშირებით ფილმის ვარსკვლავები სხვადასხვა ღონისძიებაში მონაწილეობენ. ამ დღეებში ისინი გადაცემა Today Show-ის სტუმრები იყვნენ.

გადაცემაში მიწვეულნი იყვნენ მთავარი როლების შემსრულებლები - 65 წლის რიჩარდ გირი, 47 წლის ჯულია რობერტსი, მათი კოლეგები ჰექტორ ელიზონდო და ლორა სან ჯაკომო, ასევე 80 წლის რეჯისორი გერი მარშალი.

მათ ფილმზე მუშაობის დეტალებზე ისაუბრეს. როგორც გაირკვა თავდაპირველად მარშალი აპირებდა, რომ ფილმი ნარკოტიკებსა და პროსტიტუციაზე გადაეღო. ასევე გაირკვა, რომ არც ფილმის ჰეპი-ენდი იგეგმებოდა.

„ფილმის დასასრულს რიჩარდის გმირს ჩემი გმირი მანქანიდან უნდა გადმოეგდო და მისთვის ფული გადმოეყარა, კუპიურები კი ასფალზტე უნდა გაფანტულიყო“, - აღნიშნა ჯულია რობერტსმა.

თუმცა როგორც ფილმის შემქნელებმა განაცხადეს, რიჩარდსა და ჯულიას შორის ისეთი „ქიმია“ შედგა, რომ მათი გმირების ისტორია ასე არარომანტიკულად ვერ დასრულდებოდა.

რიჩარდ გირმა აღიარა, რომ ის როლზე ჯულიამ დაითანხმა. კითხვაზე რომელ სცენებში მოეწონა თამაში, გირმა უპასუხა, რომ ყველაზე მეტად ჯულია რობერტსის სცენები მოსწონდა. „ჩვენ ყველას მოგვწონდა სცენები, სადაც ჯულია თავისი მოკლე კაბით დადიოდა. ყველა მხოლოდ მის ფეხებს ვუყურებდით!“- აღნიშნა მსახიობმა.

mtavari.info
































ტექსტის სანახავად გაიარეთ რეგისტრაცია.