რა არის ბერმუნდის სამკუთხედი?



მეზღვაურებისთვის, მკვლევარებისთვის და ფანტაზიორებისთვის ერთნაირად წარმოადგენს ბერმუდის სამკუთხედი მიზიდულობის წყაროს. ის დაახლოებით 500,000 კვადრატულ მილს ფარავს ატლანტიკის ოკეანეში ფლორიდის სანაპიროდან მოშორებით. მისი საზღვრების აღწერილობა სხვადასხვაა, მაგრამ ის „სამკუთხედის“ სამ წერტილს ნამდვილად მოიცავს, რომლებიცაა მიამი, პუერტო რიკო და ბერმუნდის კუნძლი. ცნობები უჩვეულო შემთხვევებზე იქ მოგზაურობისას ქრისტოფერო კოლუმბის დროიდან მოდის, რომელმაც აღწერა კომპასის უჩვეულო მოძრაობა ახალ სამყაროში გზად ყოფნისას. ამის მიუხედავად, სამკუთხედმა სასიკვდილო ზონის რეპუტაცია შეიძინა მას შემდეგ რაც მე–20 საუკუნეში გემები და თვითფრინავები აუხსნელად გაუჩინარდნენ. 1945 წელს აშშ–ს ხუთი სამხედრო თვითფრინავი “Flight 19” დაიკარგა და გაუჩინარდა სამკუთხედში საწვრთნელი მისიისას. პილოტეპს შეიძლება საწვავი გათავებოდათ და ზღვაში ჩაძირულიყვნენ, მაგრამ ვერც თვითფრინავების ნარჩენები და ვერც 14 ეკიპაჟის წევრი ვერ იპოვეს. მეორე გამოუცნობი შემთხვევა 1963 წლით თარიღდება, როცა ტანკერი გემი SS Marine Suplhur Queen ჩაიძირა ფლორიდის ქალაქ კი–უესტის ახლოს. სამაშველო რგოლები და სხვა ნივთები მოგვიანებით იპოვეს წყლიდან გამორიყული, მაგრამ უბედურების გამომწვევი მიზეზი ვერ დადგინდა. აღსანიშნავია, რომ დაჯახებას არ ჰქონდა ადგილი.

ჩარლს ბერლითზის და მისი მსგავსი მწერლების მეშვეობით ბერმუნდის სამკუთხედის საიდუმლო პოპულარული გახდა 1960–იან და 1970–იან წლებში. ამ მისტიური სახიფათო ადგილის სახელი დაუკავშირდა თითქმის ყველაფერს, დაწყებული ინტერგალაქტიური პორტალებით და დროის მორევებით, დამთავრებული პარანორმალური მოვლენებით და დაკარგული ქალაქი ატლანტიდით. მიუხედავად ამ ისტერიისა სახელმწიფო ორგანიზაციები და საზღვაო გადამზიდავი კომპანიები არ აღნიშნავენ სამკუთხედს ოფიციალურ რუკებზე. ჯგუფები, რომლებიც მოიცავენ აშშ საზღვაო დაცვას და საერთაშორისო სადაზღვევო ბაზარ Lloyd’s of London ყურადღებას აქცევენ, რომ რეგიონს არ ეყოლება უჩვეულოდ მაღალი საზღვაო უბედური შემთხვევები. სკეპტიკოსები აღნიშნავენ, რომ სამკუთხედი მდებარეობს ყველასთვის ცნობილი ძლიერი ტალღების და შტორმების ტერიტორიაზე. მათი აზრით გაუჩინარებებში დამნაშავეა ოკეანის დიდი სიღრმეები და ყურის დინების ეფექტი, ეს ყველაფერი ერთად კი ზრდის თვითფრინავების და გემების უბედური შემთხვევების რაოდენობას.

history.com
































ტექსტის სანახავად გაიარეთ რეგისტრაცია.