როგორ შევინახოთ კოსმეტიკა



დეკორატიული კოსმეტიკა

• ტუში ყოველ სამ თვეში ერთხელ შეცვალეთ, რომ დროზე ადრე არ გამოშრეს. არ შეაწმინდოთ ტუშის ჯაგრისი მისსავე ტუბს. თუ ახალი ტუში წასმისას წამწამებზე კორკოშელებს იკეთებს, ნიშნავს, რომ მასში მიკრობები მოხვდა. ამ შემთხვევაში მისი გადაგდება მოგიწევთ, რადგან ის მავნებელია თქვენი თვალებისთვის.

• პომადის ვარგისიანობის ვადა 6-დან 9 თვემდეა, მაგრამ თუ მას გაუჩნდა მომძაღო კარაქის მაგვარი სუნი ან მის ზედაპირზე წვეთები გაჩნდა, მასზე სასწრაფოდ უარი უნდა თქვათ.

• თუ პუდრს სწორად შეინახავთ, მან შეიძლება 2-3 წელიც კი გაძლოს. ყველაზე მთავარია - რეგულარულად გაასუფთაოთ სპონჟი. სწორედ მასზე გროვდება ჭუჭყისა და კანის ცხიმის ნაწილაკები, რომლებიც, თავის მხრივ, მშვენიერი გარემოა მიკროორგანიზმების "გამოკვებისთვის".

სახის კრემები

• არასოდეს შეინახოთ კრემები აბაზანაში. თბილი და ნოტიო ჰაერი იწვევს დუღილს და ხელს უწყობს ბაქტერიების გამრავლებას. სასურველია, კრემი ოთახში შეინახოთ, მზის სხივებისგან დაცულ ადგილას.

• ყოველთვის კარგად დაახურეთ ქილას თავსახური. სხვა შემთხვევაში, შიგნით მტვერი და ჟანგბადი ჩააღწევს და დაიწყება ჟანგვის (დამჟავების) პროცესი. ამ პროცესის შედეგად კრემმა შეიძლება ეფექტურობა და სასარგებლო თვისებები დაკარგოს; უარეს შემთხვევაში, შეიძლება სახის კანის ძლიერი ალერგია გამოიწვიოს.

• არასდროს ამოიღოთ კრემი თითებით. იმ შემთხვევაშიც კი, თუ ხელები სუფთა გაქვთ, დიდი ალბათობაა, კრემში მიკრობები შეიტანოთ. ამოიღეთ კრემი მხოლოდ სპეციალური ნიჩბის მეშვეობით და ნიჩაბი ყოველი გამოყენების შემდეგ კარგად გარეცხეთ საპნით.

თათია ბეჟიტაშვილი



































ტექსტის სანახავად გაიარეთ რეგისტრაცია.