აკნეს შედეგად სახის კანზე მუქი ლაქები რჩება, რომელთა მოშორებაც მარტივი არ არის. ამ პროცესს შესაძლოა თვეები ან წლებიც დასჭირდეს, ეს იმ შემთხვევაში თუ ძალიან გაგიმართლათ და სიმუქეები სახეზე სამუდამოდ არ დაგრჩათ. გამონაყარი სახის კანზე ძირითადად გარდატეხის პერიოდში ჩნდება, თუმცა შესაძლებელია გამონაყარმა მთელი ცხოვრების მანძილზე მოგაბეზროთ თავი. ძალიან ბევრი კოსმეტიკური კომპანია ცდილობს შემოგვთავაზოს აკნეს ლაქების პრევენციული პროდუქცია, თუმცა სიმართლე ის არის, რომ თქვენ შესაძლოა მთელი ცხოვრება მოგიხდეთ მათი გამოყენება იმისთვის, რომ შედეგი გქონდეთ. თუმცა ესეც ინდივიდუალურია, ბევრმა შესაძლოა შედეგს საერთოდ ვერ მიაღწიოს. ჩვენ გთავაზობთ მარტივ გზას -ასპირინს, რომლითაც შეძლებთ აკნესგან დარჩენილ ლაქებს დააღწიოთ თავი.
ასპირინი გამონაყარის წინააღმდეგ საბრძოლველი ძალიან კარგი საშუალებაა. ის ამცირებს სიწითლესა და შეშუპებას და დაგეხმარებათ გააქროთ შავი ლაქები.
მომზადების წესი: ეს ძალიან მარტივია. პატარა ჯამში ჩააგდეთ რამდენიმე აბი ასპირინი და დაამატეთ წყლის რამდენიმე წვეთი. ურიეთ მანამ, სანამ კრემის ტიპის ნაერთს არ მიიღებთ. წაისვით ის პრობლემურ ადგილებში და გაიჩერეთ 10 -15 წუთის მანძილზე. შემდეგ ჩამოიბანეთ ის თბილი წყლით. გაიმეორეთ პროცედურა მანამ, სანამ მას საჭიროდ ან აუცილებლად ჩათვლით ან სანამ კანს სისუფთავის და სიგლუვის შეგრძნება არ დაუბრუნდება.
წყარო: lollipop.ge
აკნეს შავი ლაქების მკურნალობა ასპირინით
⏱️ 1 წთ.
👁️ 13 080
100%