რასთან ერთად ვატაროთ თეთრი სამოსი? - ისწავლეთ ვარსკვლავებისგან



თეთრი ”საქორწინო” ფერთან ასოცირდება. პირველ რიგში, დიზაინერებმა დიდი ხნის წინ გამოარჩიეს ფერთა პალიტრიდან თეთრი პატარძლებისთვის.

მეორეც, თეთრი სამოსი ძალიან მომგებიანია ზაფხულში. ნახეთ ჰოლივუდის ვარსკვლავები: ამ სეზონში დიზაინერებმა პასტელურ ფერებს თეთრი ამჯობინეს.

”თეთრი - ეს ახალი შავია”, - თვლის ბევრი სტილისტი. და ვერც შეეკამათები. პატარა შავი კაბებით დღეს ვერავის გააკვირვებთ (თან ცხელ ზაფხულში შავი ცოტათი უხერხულია).

სხვა საქმეა თეთრი! ოფისში შესაძლებელია ღია ფერის კოსტიუმით მიხვიდეთ, მაგრამ სასეირნოდ წასვლისას თეთრი სარაფანი ამჯობინეთ, საღამოს კი - კოქტეილის კაბა, რა თქმა უნდა, თეთრი. არ იცით, რასთან ერთად ატაროთ ეს ფერი? ისწავლეთ ვარსკვლავებისგან.

გსურთ თეთრი საღამოს კაბით მიხვიდეთ სადღესასწაულო შეხვედრაზე და გეშინიათ, პატარძალს არ დაემსგავსოთ?

მაგალითი აიღეთ კამერონ დიასისგან. მსახიობი კანში თავისი ახალი ფილმის პრემიერაზე Stella McCartney-ს თეთრ კომბინეზონში გამოცხადდა.

თეთრი და წითელი - ამ ჟანრის კლასიკაა. ასევე, კარგი იქნება, თუ დაამატებთ წითელ ტუჩსაცხს ან წითელ ლაქს.

ფილმის, ”რას უნდა ელოდეთ, როცა ბავშვს ელით” პრემიერაზე, კანში, შერილ კოლმა ვიქტორია ბექჰემის თეთრი კაბისთვის უამრავი კომპლიმენტი დაიმსახურა.

თეთრი სამოსი საოცრად უხდებოდა მომღერლის გარუჯულ კანს. ოქროსფერი სამკაულები კი იმაზე მეტყველებდა, რომ ეს საღამოს კაბა იყო და არა დღის.

Billboard Awards 2012-ის ცერემონიალზე მაილი საირუსი Jean Paul Gautier-ის თეთრი ორბორტიანი პიჯაკით (თითქმის ისე, როგორც საკრუიზო ლაინერის კაპიტანი) მივიდა.

საზღვაო თემა ზოლიანმა ფეხსაცმელმა, სამკაულმა და ფრჩხილის ლურჯმა ლაქმა გაამძაფრა.

კიდევ ერთი თეთრი სამოსი კანიდან. ამჯერად კირსტენ დანსტი წარმოგიდგენთ Dolce & Gabbana-ს თეთრ მაქმანებიან კაბას, რომელიც ყვავილებიანი სამკაულებით აქვს გამდიდრებული.

Paco Rabanne-ს თეთრ კაბას სადღესასწაულო იერი ოქროსფერმა ჩანართებმა მისცა. საერთოდ, ოქრო ან სამკაულზე უნდა იყოს, ან სამოსზე. ამიტომაც ფრიდა პინტომ თეთრი კლატჩი და კრემისფერი ფეხსაცმელი აირჩია და სამკაულებზე საერთოდ უარი თქვა.

გვინეტ პელტროუ ჰოლივუდის ტრენდსეტერია. ავიღოთ თუნდაც მისი ეს სტილი. მსახიობი ოსტატურად უხამებს სხვადასხვა ფაქტურას (მაქმანებიან ტოპს და ბამბის შარვალს), რომ აღარაფერი ვთქვათ ლეოპარდის პრინტიან ფეხსაცმელზე. თამამია და გემოვნებიანი!

თეთრი - უნივერსალური ფერია. საღამოებზე ატარეთ თეთრი კაბა ოქროს სამკაულებით, დღისით კი დაამატეთ ყავისფერი აქსესუარები, მაგალითად, ჩანთა ან ქამარი, როგორც ეს ვიქტორია ბექჰემმა გააკეთა.
































ტექსტის სანახავად გაიარეთ რეგისტრაცია.