GET SEXY: ყველაზე სექსუალური ნივთები ქალის გარდერობში



თანამედროვე ქალები სამოსს მხოლოდ საკუთარი გემოვნების მიხედვით ირჩევენ. თუმცა არაფერია უცნაური იმაში, რომ მოდის უკანასკნელ ტენდენციებზე მიჯაჭვულობის გარეშეც გაგიჩნდეთ სურვილი თავი მოაწონოთ მამაკაცს. ცნობილი ფაქტია, რომ ძლიერი და სუსტი სქესის წარმომადგენელთა შეხედულება სილამაზესა თუ სექსუალურობაზე ერთმანეთისგან მკვეთრად განსხვავდება. სამოსს, რომელსაც მანდილოსნები მოდის მწვერვალად მიიჩნევენ, ხშირ შემთხვევაში, მამაკაცები სულაც არ სწყალობენ და ჭეშმარიტად ამაღელვებელად სულ სხვაგვარ ჩაცმულობას აღიქვამენ. მცირე დაკვირვებამ ცნობილი გახადა იმ ნივთების სია, რომელიც განსაკუთრებით უსვამს ხაზს ქალის სექსუალურობას. ფრთხილად - ნუ აღელდებით!

მაღალქუსლიანი ფეხსაცმელი

როგორც არ უნდადაარწმუნოთ საკუთარი თავი, რომ მამაკაცებს კედებშიც უყვარხართ, მაღალქუსლიანი ფეხსაცმლის მაგიური ზემოქმედების ძალას, ალბათ, უსიტყვოდ აღიარებთ. მითუმეტეს, ერთხელ მაინც თუ გამოგიყენებიათ ეს „იარაღი“ . ამ ნივთის გარდერობში შენახვა - განსაკუთრებული შემთხვევებისთვის - დიდი შეცდომაა. დახვეწილი ფეხსაცმლით გამოწვეული ეფექტით ტკბობა ხშირი უნდა იყოს, ის სიარულის მანერას განსაკუთრებულად მაცდურს ხდის, სილუეტს - მომხიბვლელს, ფეხებს კი - გრძელს. აღსანიშნავია, რომ სტატისტიკის მიხედვით, ძლიერი სქესის წარმომადგენლები კლასიკური ტიპის შავ ფეხსაცმელს ყველაზე სექსუალურად მიიჩნევენ.

მაღალყელიანი წინდები / გრძელწინდები
ყოველდღიურ საუბარში ”ჩულქებად” რომ სახელდებენ - მამაკაცის ერთ-ერთი მთავარი ფანტაზიაა. ძლიერი სქესის აბსოლუტური უმრავლესობა მას ქალის გარდერობის ყველაზე ამაღელვებელ საგნად მიიჩნევს, ამის მიუხედავად, მრავალი ქალი აცხადებს, რომ არასოდეს უტარებია - არადა, სულ ტყუილად. სრული კომპლექტი - სამაგრებით - რომანტიკული საღამოსთვის შეიძინეთ; ხოლო ჩვეულებრივი მოდელები, რომლებიც სილიკონის სარტყელით მაგრდება კანზე, შეგიძლიათ, ყოველდღიურად გამოიყენოთ.აღსანიშნავია, რომ იგივე სტატისტიკაზე დაყრდნობით, მაქმანებიანი ჩულქის უნებლიე გამოჩენას მამაკაცები ყველაზე სექსუალურ ჟესტად აღიქვამენ.

თეთრი პერანგი
არაფერია იმაზე სექსუალური, ვიდრე მეგობარი ბიჭის პერანგში გამოწყობილი გოგონა. ამიტომ, დროა დავივიწყოთ სტერეოტიპული მიდგომა, რომ თეთრი პერანგი მხოლოდ მკაცრი სტილის საოფისე სამოსია. მთავარია, მოდელი სწორად შეარჩიოთ: თავისუფალი და მოკლე, ასევე - სწორად ატაროთ ის: დაუდევრად აკეცილი სამკლაურები და რამდენიმე ღილით შეხსნილი საყელო. ასეთ ფორმაში გამოწყობილი ქალის ნახვა მამაკაცს ნებისმიერ სიტუაციაში გააოგნებს.

ფანქარი-ქვედაბოლო
იმისთვის, რომ სექსუალურად გამოიყურებოდეთ, სულაც არ არის საჭირო გაშიშვლება, ამის გათვალისწინებით, ქალის გარდერობში ერთ-ერთ სასურველ და სექსუალურ ნივთად ე.წ. ფანქარი-ქვედაბოლოც დასახელდა. მკაცრი სტილის, ტანზე მომდგარი ქვედაბოლო ხაზს უსვამს ქალის ფორმებს და სიარულის მანერას გრაციოზულობას მატებს. ამ მოდელის წარმატების საიდუმლო მამაკაცურ სისუტეში მდგომარეობს - თვალი შეავლოს ქალის მაცდურ ფიგურას და ფანტაზიასაც სრული გასაქანი მისცეს. აღსანიშნავია, რომ ასეთი ქვედაბოლოს შემთხვევაში მამაკაცები განსაკუთრებულ ყურადღებას აქცევენ უკან შეჭრილ ზოლს.

კაბა ღია ზურგით
გასაკვირი სულაც არ არის, რომ ყველაზე სექსუალური ნივთების რეიტინგში სტაბილურად ლიდერობს კაბა, რომელიც თავისთავად ქალურობასთან ასოცირდება. უნდა აღვნიშნოთ, რომ მამაკაცების უმეტესობა უპირატესობას ანიჭებს კაბებს ღია ზურგით. ქალის შიშველი ზურგი ძლიერი სქესისთვის პროვოკაციული გამოწვევაა.

თეთრი მაისური
უბრალო თეთრი მაისურიც კი მაშინვე გადაგაქცევთ სექსუალურად მიმზიდველ ობიექტად. თქვენ მხოლოდ ორი წესის გათვალისწინება მოგიწევთ: ჩაიცვით ის კონტრასტული ფერის ბიუზჰალტერზე და ღია ფერის ჯინსზე. ამგვარი სიმარტივე იზიდავს მამაკაცებს. ამასთან, ეს არის ის უნივერსალური სტილი, რომელიც ყველას უხდება. ასე რომ გირჩევთ, არ გაუკეთოთ იგნორირება ამ თითქოსდა უმნიშვნელო დეტალს, თეთრი მაისურით არა მხოლოდ სახლში, ქუჩაშიც მოიწონეთ თავი.

მაქმანებიანი თეთრეული
რთულია, ქალის თეთრეული გარდერობის სრულფასოვან ნივთად მივიჩნიოთ, მაგრამ ამასთანავე, ყველაზე სექსუალური ნივთების ჩამონათვალში მისი არგათვალისწინება უბრალოდ არ შეიძლება. რა მოხდა, თუკი მაქმანებიანი თეთრეული მამაკაცთა გულების გხშირებულ პულსაციას იწვევს? ასეთი ჩაცმულობით ლამაზი ქალის ნახვა ხომ რჩეულთა ხვედრია... სასურველია, თეთრეულის საყიდლად გაცილებით ხშირად იაროთ, ვიდრე ნებისმიერი ნივთის შესაძენად.

წყარო: presa.ge
































ტექსტის სანახავად გაიარეთ რეგისტრაცია.