მონიკა ბელუჩი ესპანური Vanity Fair-თვის პოზირებს



მსახიობი მონიკა ბელუჩი წლებთან ერთად აქტუალურობას არ კარგავს. ამჯერად ვარსკვლავი ცნობილი ჟურნალის Vanity Fair-ის ესპანური გამოცემის ახალი ნომრის გარეკანზე გამოჩნდა. ვარსკვლავმა საკმაოდ თამამ ფოტოსესიაშიც მიიღო მონაწილეობა.

ინტერვიუს ჩასაწერად Vanity Fair-ის ჟურნალისტი მონიკა ბელუჩის პარიზში, მის სახლში ეწვია. მსახიობმა პიროვნულ თავისუფლებაზე, წლებზე, კარიერასა და მის მეუღლეზე ისაუბრა.

"მე და ვინსენტი ძალიან თავისუფლები და დამოუკიდებლები ვართ. აბსოლუტურად განსხვავებული სამყარო გვაქვს და ერთმანეთს ყველაფერს ვუზიარებთ. ვერასდროს ვიქნებოდი ისეთი მამაკაცის გვერდით, ვინც არ იქნებოდა კარგი მამა. არის თუ არა ვინსენტი ასეთი? მისთვის ჩვენი ქალიშვილები უფრო მნიშვნელოვანია, ვიდრე საკუთარი თავი" ,- განაცხადა 48 წლის ვარსკვლავმა.

მონიკამ წარსულიც გაიხსენა.

"მე ძალიან სტაბილურ ოჯახში, პატარა ქალაქში გავიზარდე. ძალიან მშვიდი ბავშვობა მქონდა. მივიღე შესანიშნავი განათლება, მაგრამ საბოლოოდ ასეთი აზრი ჩამომიყალიბდა: "მადლობა ყველაფრისთვის, მაგრამ მე ცხოვრება მინდა, რომ თავისუფალი ვიყო", - აღნიშნავს მსახიობი.

ასაკთან დაკავშირებით მონიკა ბელუჩი ძველ აზრზე რჩება.

"დაბერება არაჩვეულებრივი რამაა. მომწონს ეს პროცესი. ნაკლებად გეშინია ბუნებრივი სილამაზის დაკარგვის, რადგან მის ნაცვლად რაღაც ძალიან საინტერესოს იძენ" .

"ჩემს გარშემო უამრავი

ადამიანი ტრიალებს. უამრავ ქალთან და კაცთან მაქვს ურთიერთობა. დანამდვილებით შემიძლია ვთქვა, რომ ჭკვიანი ქალები არაჩვეულებრივნი არიან. ისინი გაცილებით უფრო საინტერესონი არიან, ვიდრე მამაკაცები" - ამბობს მონიკა ბელუჩი



მონიკა ბელუჩი ესპანური Vanity Fair-თვის პოზირებს


მონიკა ბელუჩი ესპანური Vanity Fair-თვის პოზირებს


მონიკა ბელუჩი ესპანური Vanity Fair-თვის პოზირებს


მონიკა ბელუჩი ესპანური Vanity Fair-თვის პოზირებს

































ტექსტის სანახავად გაიარეთ რეგისტრაცია.