რომელ ასაკში აქვს ქალს მეტი "შანსი", რომ გიღალატოთ? - ფსიქოლოგთა მოულოდნელი პასუხები



მამაკაცის ღალატზე უამრავი ფსიქოლოგიური ლიტერატურა არსებობს. ამ მაკულატურის ძირითადი პათოსი ერთ ფრაზაში ეტევა: "მამაკაცები ბუნებით პოლიგამიურები არიან". მაგრამ რატომ ღალატობენ ქალები?

- ღალატის ჩადენის შესაძლებლობა – მთავარი ფაქტორია, თვლიან ცოლქმრული ღალატის მკვლევარები. როცა ქალს ასეთი შესაძლებლობა მიეცემა, ის 40%-ის შემთხვევაში ღალატობს. ასე რომ, გათხოვილი ქალის ცდუნება არც ისე რთულია, როგორც ეს ერთი შეხედვით ჩანს.

- საჭიროა თუ არა ღალატისთვის ხელსაყრელი შემთხვევა?

- რა თქმა უნდა.

- სად ხდება კლასიკური "აკრძალული რომანები"?

- სამსახურში. არსებობს კი იმაზე უკეთესი საშუალება, გააჩაღო რომანი, ვიდრე ოფისია, სადაც უამრავი სიმპათიური მამაკაცი მუშაობს? საქმიან ქალს მეტი შანსი აქვს ღალატისთვის, ვიდრე მას, ვინც სახლში ზის. რა თქმა უნდა, ამით იმის თქმა არ გვინდა, რომ ყველა მომუშავე ქალი ღალატობს ქმარს. უბრალოდ, საქმიანი ქალისთვის უფრო ადვილია ამის გაკეთება, თანაც ისე, რომ ეჭვი არ გამოიწვიოს.

კავშირი ქალის საქმიანობასა და ერთგულებას შორის დიდი ხნის წინ აღმოაჩინეს. "სამსახურებრივი რომანების" ნახევარი სწორედ გათხოვილი ქალების შემთხვევაში ხდება. სტატისტიკის თანახმად, საშუალოდ, გათხოვილი ქალების მესამედს სამსახურში საყვარელი ჰყავს. როგორც ჩანს, სამუშაო ადგილი – ძალიან სექსუალური ადგილია.

- მაშინ რას ნიშნავს ფსიქოლოგების საყვარელი ფრაზა იმის შესახებ, რომ ყველა ზრდასრული საქციელი "ბავშვობიდან მოდის"?

- ბავშვური შთაბეჭდილებებიც დიდ გავლენას ახდენს ზრდასრული ადამიანის საქციელზე, მაგალითად, მშობლების ღალატი. ფსიქიატრების, ფიზიოლოგებისა და ფსიქოლოგების აზრით, არსებობს გამოკვეთილი ტენდენცია "ოჯახური ტრადიციების" გაგრძელებისა. თუ ბავშვი ერთ-ერთი მშობლის ღალატს შეესწრო, მას სავსებით შეუძლია გამოიტანოს დასკვნა, რომ ოჯახში ერთგულება სულაც არ არის სავალდებულო.

- არსებობენ ქალები, რომლებიც ბუნებით მიდრეკილნი არიან ღალატისკენ?

- რა თქმა უნდა. ეს ქალები ძირითად, სექსუალურ საკითხში ინიციატორები არიან. სოციოლოგები თვლიან, რომ უმეტეს შემთხვევაში, თუ ქალი ცოლქმრობის დროს სექსში ინიციატივას იჩენს, ის ღალატისკენ არის მიდრეკილი.

ეს ტენდენცია განსაკუთრებით შეიმჩნევა იმ ქალებში, რომლებმაც 40 წელს მიაღწიეს. მათ სხვა შეხედულება აქვთ სექსზე, ვიდრე იმ ქალებს, რომლებიც მზად არიან ელოდონ, როდის შესთავაზებს სექსს მამაკაცი.

- რითი ამართლებენ ქალები ყველაზე ხშირად საკუთარ ღალატს?

- ქალები თავის ღალატს ამართლებენ იმით, რომ ქორწინებაში არ არიან ბედნიერები, რომ ქმართან ისედაც მოსალოდნელია განშორება, რომ მას სხვა შეუყვარდა, რომ ქორწინებაში სექსუალურად დაუკმაყოფილებელია და ასე შემდეგ... მსგავს შემთხვევებში ქალები ხშირად ღალატობენ და ამის "კანინიერ" გამართლებასაც პოულობენ.

- რომელი ასაკია ქალის ღალატისთვის ყველაზე საშიში?

- ქალებს ახალგაზრდა ასაკში უფრო მეტი უკანონო კავშირი აქვთ, ვიდრე ზრდასრულ ასაკში. სოციოლოგებმა დაადგინეს, რომ ქალების ღალატის დიდი წილი 26-30 წელზე მოდის. ბოლო წლების გამოკვლევებმა კი ცხადყო, რომ ახლა ახალგაზრდა ცოლები უფრო ხშირად ღალატობენ, ვიდრე ახალგაზრდა ქმრები.

საერთოდაც, ახალგაზრდა მოღალატე ქალები უფრო მარტივად ანგრევენ ოჯახს, ვიდრე ასაკში მყოფები. ცოლქმრული ღალატის საშუალო და მეტ-ნაკლებად ტიპური ასაკი – 35 წელია. ეს ქალისთვის ყველაზე "საშიში" ასაკია.

ციფრები და ფაქტები

მკვლევარმა-სექსოლოგებმა დაადგინეს პირდაპირი კავშირი ქორწინებამდე სექსუალურ გამოცდილებასა და ღალატს შორის: რაც უფრო მდიდარია გამოცდილება, მით მეტი შანსია ცოლქმრული ღალატისა. შესაბამისად, დღევანდელი მონაცემებიდან გამომდინარე, უახლოეს წლებში ქალის ღალატის შემთხვევები გაიზრდება: ქალების რიცხვი, რომელთაც ქორწინებამდე აქვთ სექსუალური გამოცდილება, 50%-ით მეტია.

მკვლევარებმა აღმოაჩინეს, რომ იმ ცოლ-ქმარს შორის, ვინც შვებულებას ცალ-ცალკე ატარებს, 20%-ით მეტია ღალატის შემთხვევა, ვიდრე მათ შორის, ვინც ერთად ისვენებს.

ძალიან ხშირად ღალატი ქალსა და მამაკაცს შორის მეგობრობით იწყება... მეგობრობის, რომელიც თანდათან ემოციურ კავშირში გადადის. თუ ქალისა და მამაკაცის მეგობრობა გრძელდება, ის ხშირად სექსუალურ ურთიერთობამდე მიდის. ქალების 82%-მა, რომელთაც სამსახურში გაიჩინეს საყვარლები, განაცხადეს, რომ თავდაპირველად ისინი საიმედო მეგობარს ეძებდნენ.

მკვლევარების მონაცემებით, ქალები, რომლებიც ქმარზე ნაკითხები და განათლებულები არიან, უფრო ხშირად ღალატობენ ქმრებს და მეტი უკანონო სექსუალური პარტნიორი ჰყავთ. ძალიან ხშირად განათლება ღალატის საწინდარი უფრო მოწიფულ ასაკში ხდება. ეს ქალისთვის ერთ-ერთი მნიშვნელოვანი მიზეზია ერთგულების ფიცის დარღვევისას.

არსებობს ასეთი ტენდენცია: ნაკლებად განათლებული ქალები ერუდირებული მამაკაცებისკენ ილტვიანო. როგორც უნდა იყოს, რაც მეტი განხვავებაა ოჯახში განათლების მხრივ ქალის სასარგებლოდ, მით მეტია მისი მხრიდან ღალატის რისკი.
































ტექსტის სანახავად გაიარეთ რეგისტრაცია.