9 რჩევა მათთვის, ვისი ბავშვიც დაძინებისას ჭირვეულობს



1. შემოიღეთ სახლში ყოველდღიური, წყნარი, დამამშვიდებელი რიტუალი. შეეცადეთ, ბავშვს ყოველდღე ერთი და იმავე დროს აჭამოთ, დაბანოთ, დააწვინოთ და წაუკითხოთ ძილისწინა ზღაპარი.

2. ხანდახან კარგად მუშაობს ძველი მეთოდები – წყნარი იავნანა, დარწევა. რა თქმა უნდა, დარწევა მხოლოდ პატარა ბავშვისთვის არის მიზანშეწონილი. უფრო მოზრდილი ბავშვებისთვის მნიშვნელოვანია იგრძნოს, რომ დედა გვერდით ჰყავს.

ნუ მოაკლებთ პატარას თქვენი სხეულის სითბოს – მოეხვიეთ მას, აკოცეთ, ჩაჰკიდეთ ხელი და უთხარით, რომ სიზმარში ის აუცილებლად ნახავს საინტერესო ზღაპრებს რაინდებზე, პრინცესებზე (ჩართეთ ფანტაზია).

3. ზოგიერთ ბავშვს დასაძინებლად ძალიან შველის თბილი აბაზანა და მასაჟი. გახსოვდეთ, რომ მასაჟის დროს ოთახში უნდა თბილოდეს. ხელები ზეითუნის ზეთით დაისველეთ და ნაზი მოძრაობით მოეფერეთ ზურგზე, ხელებსა და ფეხებზე.

4. იმისათვის, რომ ბავშვმა ადვილად დაიძინოს, საღამოს დიდხანს ასეირნეთ ჰაერზე. თუმცა, ნურც გადააჭარბებთ. თუ ზედმეტი მოგივიდათ, ეზოში აქტიურად ათამაშეთ. შესაძლოა, ბავშვი პირიქით, აღიგზნოს და დაძინება გაუჭირდეს.

5. იმისათვის, რომ ბავშვს დაძინებაში დაეხმაროთ, ძილის წინ მშვიდი, ნარნარი ხმით მოუყევით ლამაზი ისტორიები, ზღაპრები, მაგრამ გახსოვდეთ, ისტორია თუ ზღაპარი არამც და არამც საშიში არ უნდა იყოს და რა თქმა უნდა, ბოლო კეთილი უნდა ჰქონდეს.

6. მოაშორეთ ახლომახლო მდებარე ყველა სათამაშო და საგანი, რომლებსაც შეუძლია, ბავშვის ყურადღება მიიპყროს.

7. გამორთეთ ტელევიზორი, სარეცხის მანქანა და სხვა ხმოვანი მოწყობილობები. სახლში სრული სიჩუმე უნდა სუფევდეს.

8. ბავშვს დაძინებისას ყოველთვის უნდა ჰქონდეს რაიმე საყვარელი ნივთი – ფუმფულა დათუნია, კურდღელი, საყვარელი პლედი. ეს ნივთი აუცილებლად თბილი და რბილი უნდა იყოს, რომ ჩაეხუტოს მას მაშინ, როცა თქვენ მის გვერდით არ იქნებით.

9. ხანდახან ბავშვი უპრობლემოდ და მორჩილად წვება დასაძინებლად, მაგრამ შემდეგ შესაძლოა, ადგეს. მოთმინებით და მშვიდად დააწვინეთ ისევ ლოგინში. ამასთან, გაუმეორეთ, რომ აუცილებელია, ამ დროს ლოგინში იწვეს (თუ ის გამოფხიზლებულია და ჭირვეულობს, წაუკითხეთ წიგნი). ეს მეთოდი მარტივი არ არის, მაგრამ ძალიან ეფექტურია.

თუ ქმედებებში თანმიმდევრობას დაიცავთ, თქვენი პატარა მალევე მიხვდება, რომ არსებობს წესები, რომლის დარღვევაც არ შეიძლება.

დაეხმარეთ პატარას დაძინებაში იქამდე, მანამ თავად არ ისწავლის ძილს თქვენი დახმარების გარეშე!

წყარო
































ტექსტის სანახავად გაიარეთ რეგისტრაცია.