მთელი შვებულება ან მხოლოდ მისი ნახევარი, მთელი უქმეები ან ერთი თავისუფალი დღე – დიდი ფასეულობაა, განსაკუთრებით ზაფხულში. როგორ მოემზადო დასვენებისთვის და გაატარო მაქსიმალური სარგებლის მიღებით? – გთავაზობთ, სამ მთავარ წესს.
1. დასვენება – არის არა მხოლოდ სამუშაოს/სწავლის გარეშე ყოფნა, არამედ დამოუკიდებელი საქმიანობაცაა. აქვს თავისი ამოცანები, მიზნები, მიღწევის საშუალებები და არსი. ამიტომ არ უნდა მისცეთ თვითმდინარების საშუალება, ის უნდა დაგეგმოთ.
დაფიქრდით:
. რაში მდგომარეობს საერთოდ ამ დასვენების არსი ცხოვრების მასშტაბით? მაგალითად: ეს არის პაუზა გადამწყვეტი კარიერული ძალისხმევის წინ, ეს არის წყლულების მოშუშება კატასტროფულად დატვირთული კვირის შემდეგ, ეს არის შესაძლებლობა, იცხოვროთ თქვენი ცხოვრებით (და არა სხვისი მოთხოვნების შესრულება) და ა.შ.
. ახლა რად გინდათ დასვენება, რისი მიღწევა გსურთ შედეგად, რა მდგომარეობას გსურთ მიაღწიოთ, რა ამოცანა ამოხსნათ? მაგალითად: ძალების ფიზიკური აღდგენა, ნერვების დამშვიდება, დაფიქრდეთ მნიშვნელოვან ცხოვრებისეულ საკითხებზე (რომლებზეც შეუძლებელია კონცენტრირება სამსახურში), განახორციელოთ თქვენი ოცნება, შეხვდეთ განსაზღვრულ ადამიანებს და ა.შ.
. როგორ აპირებთ ამ მიზნების მიღწევას, ამ ამოცანების გადაწყვეტას? მაგალითად: ჩახვალთ ზღვაზე, მოუვლით ყვავილებს აგარაკზე, მთელ დროს სპა-პროცედურებს მიუძღვნით, დუმილის ფიცს დადებთ, ყოველდღე კინოში ივლით და ა.შ.
. როგორი გსურთ იყოთ დასვენების დამთავრებისთვის? მნიშვნელოვანია წარმოიდგინოთ შედეგი, მაშინ ყველა მოქმედება მისკენ იქნება მიმართული, როგორც მეტალის ნივთებს მიიზიდავს მაგნიტი. მაგალითად: თვალებში ბრწყინვალება გაჩნდება, გაქრება მხრებზე სიმძიმის შეგრძნება, მოგინდებათ წაიმუშაოთ :-)
2. არ შეიძლება დასვენების შერევა მუშაობასთან (მით უმეტეს, ათქვეფა...). ამოიგდეთ თავიდან დაუნდობელი ფორმულა "საუკეთესო დასვენება – საქმის მონაცვლეობაა” (თუ არ გამოგდით, წარმოიდგინეთ, რომ დასვენების სახით შემოეთავაზებინათ კარტოფილის გადმოტვირთვა 50-კილოგრამიანი ტომრებით...). შეემზადეთ, შეეწინააღმდეგოთ გადაწყვეტილებას იმის სასარგებლოდ, რომ პლაჟის ჩანთაში ჩადოთ ნოუთბუქი, დაუმთავრებელი მაგიდის გადასაფარებელი, რომელსაც დედამთილისთვის ქარგავდით, ან წიგნი ალბათობის თეორიის შესახებ:
. ...დიახ, გიყვართ თქვენი სამსახური და რეალურად ხართ გატაცებული თქვენი ცხოვრების საქმიანობით. მაგრამ, ამ საქმიანობისთვისაც სასრგებლო იქნებოდა, თუნდაც მცირე, პაუზა. დასვენების შემდეგ თქვენ შეძლებთ, ახალი თვალით შეხედოთ თქვენს სამუშაოს და დაინახოთ ახალი შესაძლებლობები.
. ...დიახ, ჰობი სრულებითაც არ გღლით, პირიქით, გართობთ კიდეც. მაგრამ ქარგვის გართობის ეფექტი, სწორედაც რომ, რთული სამუშაოს ფონზე შეიმჩნევა. პარკში გასეირნების ფონზე კი ქარგვა თავადვე იქცევა სამუშაოდ.
. ... დიახ, სწავლა მუშაობა არ არის, ხოლო ინტელექტუალური სავარჯიშოები გაფხიზლებენ. მაგრამ თქვენი ტვინისთვის ეს იგივეა, რომ ვაგონიდან კარტოფილის გადმოტვირთვისას შესვენების დროს გაერთოთ სტაფილოთი დატვირთული ვაგონების გადმოტვირთვით. იყავით ლმობიერი თქვენი პატარა ნაცრისფერი უჯრედების მიმართ, მათაც სჭირდებათ კომედია, ნაყინი და ალერსი.
3. არ შეიძლება, დასვენება მუშაობის/სწავლის ინტერესებს დაუმქვედებარო.
. თუნდაც თქვენ ჯვაროსანთა ლაშქრობების მკვლევარი იყოთ, არ არის საჭირო სანაპიროზე ოტელის ამორჩევისას მეომარი რაინდების მარშრუტებზე და გადამწყვეტი ბრძოლების ადგილებზე ორიენტირება. თორემ ბატალური სიზმრები შეგაწუხებენ.
. მოიგონეთ თქვენი დასვენებბის თემა, რომელიც არ იქნება დაკავშირებული თქვენ სამუშაო ან სწავლის ინტერესებთან. ისე თითქოს თემატურ წვეულებას იგონებდეთ. თუნდაც ეს იყოს სრულიად არაპრაქტიკული და წარმოუდგენელი რამ. მაგალითად, გასინჯოთ 30 სხვადასხვა სალათი ერთ კვირაში, დაარწმუნოთ ყველა ახალი ნაცნობი იმაში, რომ ქართულად არ მეტყველებთ, ნახოთ სამი ყველაზე ეფექტური ბლოკბასტერი შვებულების განმავლობაში. ჩახვიდეთ კონტინენტზე, რომელზეც თქვენ ჯერ არ ყოფილხართ.
. როდესაც სამუშაოს დაუბრუნდებით, მიეცით თავს რაღაც დრო თანდათობით ჩადგეს ჩვეულ რეჟიმში. დაე გარკვეული დროის განმავლობაში შეგინარჩუნდეთ შვებულების ჩვევები, ეს იქნება პლაჟის ჩუსტების ტარება, მოუწესრიგებელი ვარცხნილობა თუ ანანასი საუზმეზე.
ს. გულიაშვილი
წყარო
კარგი დასვენების წესები
⏱️ 1 წთ.
👁️ 1 893
100%