ბავშვის ნახატმა შესაძლოა მრავალ საიდუმლოს ახადოს ფარდა. მოამარაგეთ თქვენი პატარა ფურცლებითა და ფერადი ფანქრებით და სთხოვეთ, ოჯახის წევრები დახატოს.
ნუ გაგიკვირდებათ, თუ პირველად საკუთარ თავს დახატავს. ეს არ ნიშნავს იმას, რომ ეგოისტია. უბრალოდ, ის საკუთარ სამყაროს ხატავს, რომლის მთავარი გმირიც თვითონ არის. თუ ფურცელზე მხოლოდ თავისი თავი გამოსახა, ოჯახიდან გარიყულად და მიტოვებულად გრძნობს თავს. საერთოდ, იგი ოჯახის იმ წევრებს დახატავს, რომლებსაც საკუთარ სამყაროში ახედებს და მნიშვნელოვან პიროვნებებად მიიჩნევს.
ბოლოს ფურცელზე ცხოველები და ფრინველები გაჩნდება. თუ ბავშვი მათ საკუთარი თავის შემდეგ დახატავს, მზრუნველობა, სითბო და სიყვარული აკლია. თუ ოჯახის რომელიმე წევრის მიხატვა „დაავიწყდა“, მას თავისიანად არ მიიჩნევს ან მასზე ნაწყენია და სამაგიეროს გადახდა სურს.
თუ მშობლების გვერდით საკუთარი თავი მცირე ზომის დახატა, ბავშვი მშობლებზეა დამოკიდებული. ეცადეთ, ის უფრო დამოუკიდებელ, თავისუფალ პიროვნებად გაზარდოთ.
თუ ნახატზე ოჯახის წევრებს ერთმანეთისთვის ხელი აქვთ ჩაკიდებული, ბავშვი თავს დაცულად გრძნობს, საკუთარ თავთან ახლოს ყველაზე საყვარელ ადამიანს გამოსახავს.
თუ მშობლები ხშირად კამათობენ, ნაკლებ დროს ატარებენ ერთად, პატარა მათ ქალღალდის სხვადასხვა კუთხეში მიუჩენს ადგილს. თუ საკუთარი და-ძმა ყველაზე პატარები ან სხვებთან შედარებით მახინჯები დახატა, იგი მათზე ეჭვიანობს. თუ ოჯახის წევრები გაღიმებულები არიან, ფერადი ბუშტები და ყვავილები უჭირავთ, ეს იმის ნიშანია, რომ ბავშვი ოჯახში თავს ბედნიერად და დაცულად გრძნობს.
ახლა დააკვირდით _ როგორ დახატა ოჯახის წევრები? თუ რომელიმეს გრძელი ხელები აქვს, მისი ეშინია; თუ მამა შვილს ხშირად ეჩხუბება, ბავშვს მისთვის პირის დახატვა „დაავიწყდება“. პატარა, რომელიც ოჯახის წევრებთან თავს არაკომფორტულად გრძნობს, მათ გაშლილი ხელებითა და თითებით გამოსახავს. გრძელ ფეხება ოჯახის წევრები მიგვანიშნებენ, რომ პატარას მეტი დამოუკიდებლობა სურს. თუ ოჯახის ყველა წევრს ხელები მაღლა აქვს აწეული, ბავშვს მოსწონს, როცა მის გამო ნერვიულობენ და შეიძლება, განზრახ აშინებს კიდეც მათ.
როგორ აფერადებს ნახატს: ბავშვი მისთვის საყვარელ ადამიანსა და საკუთარ თავს ერთ ფერში გააფერადებს. სერიოზული და მშვიდი პატარები ძირითადად ცივ ფერებს იყენებენ. თბილი ფერები ენერგიულებსა და მხიარულებს მოსწონთ. თუ ნახატი შავ-თეთრ ტონალობაშია შესრულებული, ბავშვი სამყაროსგან გარიყულად გრძნობს თავს.
გაფერადების დროს თუ ბავშვმა კონტურები გადაკვეთა, დამოუკიდებელი და თავისუფლების მოყვარეა. თუ ყველაფერი აკურატულად გააფერადა და უფრო მეტიც _ კონტურსა და ძირითად ფერს შორის თეთრი ზოლი დატოვა, მას თქვენი მხარდაჭერა და დაცვა ესაჭიროება.
წყარო
დააკვირდით, რას ხატავს თქვენი პატარა?
⏱️ 1 წთ.
👁️ 5 850
100%